Posoniensi existentem, ad ipsum et ad prenominatas personas, heredes scilicet dicti Woch, tam iure hereditario, seu successionis paterne, quam racione dotis uxoris prefati quondam Woch devolutam, que olym a felicissime recordacionis domino Bela, illustri rege Hungarie, pro notabilibus fidelitatum serviciis, omni remuneracione dignis, eidem Woch fuerat collata, cum omnibus utilitatibus et pertinenciis suis universis, pro remedio anime dicti Woch et sua, ac animarum heredum prefatorum salute dedisset, donasset et eciam vendidisset, ecclesie sancti Salvatoris de Posonio, ipsiusque preposito et capitulo ecclesie memorate, pro viginti quinque libris denariorum Wyennensium, plene sibi et predictis heredibus datis et persolutis, perpetuo et irrevocabiliter tenendam et possidendam. Cuius quidem terre metas, secundum tenorem privilegii quondam dicti domini Bele regis, modo infrascripto et ordine distingvi dixit: videlicet quod prima meta incipit ab oriente, iuxta metas Zelynch, terre eiusdem ecclesie Posoniensis, per quas procedens a parte meridionali versus occidentem, incidit in metas terre Wedered, per quas descendens incidit in metas terre Kwrthulus, et per metas eiusdem procedens versus septemtrionem, incidit in metas ville Paag, per cuius metas protenditur usque ad metas alterius terre Zelench, similiter eiusdem ecclesie Posoniensis, et sic per metas ipsius terre, redit versus orientem ad primam metam et ibi terminatur. Preterea idem Petrus, nomine suo et nomine heredum predictorum, assumpsit se obligando, quod si ullo unquam tempore, predicti prepositus et capitulum, racione predicte terre, per quempiam inpeterentur, ipse et prenominati heredes, eosdem prepositum et capitulum tenerentur expedire, propriis laboribus et expensis. In cuius rei testimonium, perpetuamque firmitatem, presentes concessimus litteras, sigilli nostri autentici munimine roboratas. Datum, in festo commemoracionis beati Pauli apostoli, anno Domini M CCC vicesimo quinto. Magistris Mathya lectore, Nicolao cantore et Michaele custode ecclesie nostre existentibus.
Fragmen sigilli e zona membr. pendet. – Orig. membr., in Arch. Cap. Poson. Priv. Capsa C. fasc. 5. nr. 52.

116.
1325. (Esztergom.) 12. Julii. – Capit. Strigon. Joannem Olaszi, terram Pel, filiis Simeonis de Bajót, vendidisse testatur.
A. B. C.
Nos prepositus et capitulum sancte Strigoniensis ecclesie, omnibus Christi fidelibus, tam presentibus quam futuris, presencium seriem inspecturis, salutem, in eo, qui est omnium vera salus. Ad universorum harum serie volumus pervenire; quod nobilis vir Johannes, filius Fewlde de Olosi ab una parte; et similiter nobiles viri magistri Paulus, Laurencius filii Symonis de Boyod et Nicolaus, ac Dyonisius filii Mychaelis de eadem Boyod ex altera, coram nobis personaliter constituti; idem Johannes filius Fewlde dixit et confessus est, se quandam possessionem suam hereditariam Pel vocatam, in comitatu de ante Strigonio existentem, de consensu suorum cometaneorum, sicut dixit, vendidisse eisdem Paulo, Laurencio filiis Symonis, Nicolao et Dyonisio filiis Mychaelis, pro quadraginta marcis in denariis, et in condigna estimacione plene habitis et receptis ab eisdem, ipsis et suis heredibus, heredumque suorum successoribus, perpetuo, pacifice,

---