predicti populi de Poppard, domino abbati ac iobaionibus suis aliquam violenciam intulerint, in quam perversionem per experienciam veritatis devicti fuerint, extunc ordinacio prescripta irrita est et inanis. In cuius rei testimonium, stabilitatemque perhennalem, ad peticionem parcium, presentem litteram sigillo nostre provincie concessimus roborari. Datum, feria tercia proxima ante Ascensionem Domini, anno Domini Mo CCC-o XXVI-o.
Sigillum e zona membran. pendet. – Orig. membr., in tabulario Hung. Scientiarum Academiae. Tom. II.

109.
1325. Esztergom. 6. Maii. – Sententia magistri Nicolai, archidiaconi de Zó1yom, contra Stephanum plebanum de Radona, lata.
Nos magister Nicolaus, archidiaconus de Zolio et rector capelle regie beati Nicolai de eodem, significamus tenore presencium universis: quod cum nos causam, que inter nobilem virum Thomam comitem, filium Dyonisii de Rodona ab una parte, et Stephanum sacerdotem quondam plebanum ecclesie Beata Virginis de eadem ex altera, coram nobis vertebatur, et nos eandem causam ordinaria auctoritate et e commissionaria venerabilis in Christo patris domini B.[oleslai], Dei gracia archiepiscopi Strigoniensis, locique eiusdem comitis perpetui, partibus in nobis consencientibus, lite contestata, eisdem diucius hinc inde altercantibus, probis viris plebanis et sacerdotibus parochialibus, ac nobilibus provincie eiusdem nobis asidentibus, quia omnis controversie finis est iuramentum, ipsi comiti Thome, articulos sub contextu eiusdem litis contentos testibus legalibus adiudicavimus comprobandos; set quia ipse Stephanus sacerdos, ante testium attestaciones, omni excepcione in personas, aut in dicta testium obmissa et neglecta, et ante nostram diffinitivam et decisivam sentenciam, obiectu cuiusdam frivole apellacionis verbalis, contumaciter aufugit: ipsum sentencionaliter convictum diffinivimus, iuris et iusticie ordine observato. Verum, quia articulam contra ipsum Stephanum sacerdotem comprobati, exceptis aliis enormibus faccionibus, que ad nostram noticiam frequenter devenerunt, beneficii amissionem exigebant, nos nostra auctoritate ordinaria, ut premisimus, ne amplius facilitas venie eidem incentivum tribuat delinquendi, et malum malo cumuletur, ymo materia, que possit esse mortis fomentum amputare cupientes de medio, ipsam ecclesiam Beate Virginis de Rodona recepimus ab eodem, et a spiritualium et temporalium amministracione eiusdem ecclesie, ipsum Stephanum sacerdotem amovimus et ipsi ecclesie de alia ydonea persona providimus, iuris ordine observato. Datum Strigonii. in festo beati Johannis evangeliste ante portam latinam, anno Domini M-o CCC-o XX-o quinto.
Orig. membran., in Arch. Primat. Ecclesiast. Vetus. nr. 21/1.

110.
1325. Esztergom. 26. Maii. – Boleslaus, archiepiscopus Strigoniensis, transscribit et confirmat literas Pauli, quondam praepositi Scepusiens., quibus Dionysio de Sigra, capellam in Elsavicha construendi facultatem concessit.
Nos Bolezlaus, miseracione divina archiepiscopus Strigoniensis, locique eiusdem comes perpetuus, significamus tenore presencium, quibus expedit universis