101.
1325. (Pozsony.) 29. Januarii. – Capitulum Poson., filios Bodó de Nagyfél, Jacobo de eadem, quatuor iugera terrarum, viginti pensis et sexaginta denariis vendidisse testatur.
Universis Christi fidelibus, presentes litteras inspecturis, capitulum ecclesie Posoniensis salutem in salutis actore. Ad universorum noticiam tenore presencium volumus pervenire: quod constituti personaliter coram nobis Mychael, Mathyas et Georgius, filii Bydeu de maiori villa Fed, pro se et duobus fratribus suis Nicolao scilicet et Balsaar ab una parte; Jacobus filius Wechyl de eadem ab altera; iidem Mychael, Mathyas et Georgius sunt confessi: quod ipsi racione necessitatis sue quatuor iugera terrarum empticia, ipsos de iure contingencia, in duobus locis, videlicet tria iugera retro allodium, inter terras Lychynzyr vulgariter nuncupatas, in una longitudine et latitudine existencia, et quartum iuger penes terras Look, quod protenditur cum finibus suis versus viam, per quam Tharo consuevit ire ad ecclesiam beali Petri apostoli de villa Eberhardi, et in vicinitate terre Emirici et Sisa de eadem Feel existens, cum permissione et bona voluntate omnium proximorum suorum et omnium in eadem villa Feel commorancium, pro quibus omnibus Petrus filius Botond et Stephanus filius Pauli de dicta Feel comparuerunt, eidem Jacobo et per eum suis heredibus, heredumque suorum successoribus, pro viginti pensis denariorum et sexaginta denariis, ab eodem habitis et receptis, vendidissent iure perpetuo irrevocabiliter possidenda, pariter et habenda; obligando se, quod quandocunque processu temporum eundem Jacobum, ac eorum successores, racione dictorum iugerum vellent forsitan molestare, extunc iidem Mychael, Mathyas, Georgius, Nicolaus et Balsar, cum omnibus proximis et successoribus suis, tenerentur expedire propriis laboribus et expensis. In cuius rei testimonium presentes concessimus litteras sigilli nostri munimine roborando. Datum, feria tercia proxima ante festum Purificacionis Beate Virginis Gloriose, anno Domini millesimo CCC-o vigesimo quinto.
A B C
Sigillum cum zona periit. – Orig. membr., in Arch. Cap. Poson. Publ. Capsa 14. fasc. 6. nr. 7.

102.
1325. Visegrád. 17. Febr. – Carolus rex, possessionem Néveg, per capit. Budense, Nicolao de eadem, statui iubet.
Tenorem vide sub nr. 106.

103.
1325. (Győr.) 21. Febr. – Capitulum Strigon., contra cives Strigon., a sentencia regis et iudicis curiae regiae, ad sedem apostolicam appellat.
Nicolaus, Dei et apostolica gracia Jauriensis episcopus, et eiusdem loci capitulum, universis Christi fidelibus, ad quos presentes pervenerint, salutem in Domino sempiternam. Noveritis, quod in nostri presencia fuit appellatum in hunc modum:
In nomine Domini amen. Anno eiusdem M-o CCC-o vicesimo quinto, indiccione octava, octava die exeunte februario[57], coram vobis venerabili patre domino Nicolao, Dei et apostolica gracia Jauriensi episcopo et honorabili

[57] 1325. 21. Febr.