petitur, quod iustum est, decet maiestatem regiam facilem prebere consensum, in hys precipue, que sancte matris ecclesie ad commodum cedunt et honorem. Eapropter ad universorum noticiam harum serie volumus pervenire: quod honorabiles viri, magister Nicolaus prepositus et capitulum ecclesie Posoniensis, ad nostram accedentes presenciam, exhibuerunt nobis quoddam privilegium magistri Nicolai, comitis Posoniensis et quatuor iudicum nobilium eiusdem comitatus, pendentibus sigillis eorumdem consignatum, super iudiciaria sentencia, inter ipsos prepositum et capitulum ab una parte; item inter Petrum, filium Pauli, et Kemin, homines castrenses, super piscatura Cheuzuezy, Synketekuta seu Synky vocate, de Kyurth, per eosdem iudices data confectum; petentes nos humiliter supplicando, ut ipsum privilegium, seu ipsam sentenciam, ratam habere et ad uberiorem cautelam nostro dignaremur privilegio confirmare. Cuius quidem privilegii tenor talis est:[54]
Sequitur nr. 77. ut supra, ex ipso orig. exhib.
Nos siquidem iustis et legittimis peticionibus predictorum, prepositi et capituli Posoniensis, fidelium nostrorum, favorabiliter inclinati, prescriptum privilegium comitis Posoniensis et iudicum nobilium eiusdem comitatus, in nulla sui parte viciatum, de verbo ad verbum presentibus insertum, simul cum sentencia, super ipsa piscatura Synketekuta, sive Synky vocata, rite facta et legittime per eosdem, ratificamus, acceptamus, approbamus et ex certa sciencia regie maiestatis confirmamus. In cuius confirmacionis memoriam, perpetuamque firmitatem presentes concessimus litteras, dupplicis sigilli nostri novi et autentici munimine roboratas. Datum, per manus discreti viri magistri Endre, prepositi ecclesie Budensis, aule nostre vicecancellarii, dilecti et fidelis nostri, anno Domini M CCC XX quarto, quinto ydus Decembris, regni eciam nostri anno similiter XX quarto. Venerabilibus in Christo patribus Bolezlao Strigoniensi, fratre Ladislao Colocensi archyepiscopis; Johanne Nitriensi, Benedicto Chanadiensi, Iwanka Waradiensi, Nicolao Jauriensi, Georgio Syrmiensi, Ladislao Quinqueecclesiensi, fratre Petro Boznensi, Herrico Wesprimiensi, Chanadino Agriensi et Andrea Transiluano episcopis, ecclesias Dei feliciter gubernantibus. Magnificis viris Philipo palatino, comite Zepesyensi et de Wywar; Demetrio magistro tawarnicorum nostrorum, comite Bachyensi et Trinchyniensi; comite Alexandro iudice curie nostre; Thoma Woyuoda Transiluano et comite de Zonuk; Nicolao bano tocius Sclauonie, comite Soproniensi et de Kamarun; Paulo bano de Macho, comite Syrmiensi, de Wolko et de Bodrug; Mykch magistro tawarnicorum domine regine, consortis nostre karissime; Desew iudice curie eiusdem domine regine; Dyonisio magistro dapiferorum nostrorum; Blasyo magistro agasonum nostrorum, aliisque quam plurimis regni nostri comitatus tenentibus et honores.
Sigillum e rubro, caeruleo, flavo et viridi serico pendebat. – Orig. membran., in Arch. Cap. Poson. Priv. Capsa C. fasc. 1. nr. 4. – Cum, ut initio dicitur, capitulum ipsum regem accesserit, literae hae certo certius Posonii exaratae fuerint; verosimile enim non est, totum capitulum coram rege, procul existente, comparere potuisse.

---

[54] 1324. 24. Mart.