Nos Philipus, miseracione divina sancte Strigoniensis ecclesie archiepiscopus, aule regie cancellarius, signifaamus (sic!) universis, memorie commendantes; quod ad peticionem illustris domini Bele, regis Hungarie, concessimus, ut in quadam villa, Lypche vocata, in provincia Lytoviensi, populis ad ipsam villam, causa commorandi congregatis et eciam congregandis, ecclesiam parochialem construendi pro divinis officiis audiendis et percipiendis ecclesiasticis sacramentis, liberam habeant facultatem; ita videlicet, quod ipsam ad divina audiendi officia accedere debeant populi memorati, salvis omnibus, confessionibus scilicet generalibus, baptismalibus et sepulturis. Verum cum nos, iuxta officii nostri debitum, omnibus prodesse debeamus et nulli obesse, presertim in spiritualibus iuribus optinendis: volumus et auctoritate presencium confirmamus, ut eadem ecclesia parochialis liberis decimis perfruatur prout ecclesie parochiales de Corpona et Sebnuchbana; et plebanus eiusdem ecclesie ab omni iurisdiccione et descensu archidiaconi sit exceptus et penitus exemtus, ita tamen, quod de singulis quinquaginta mansionibus unam marcam, fini argenti, cum pondere Strigoniensi, nobis et nostris successoris (sic!), annis singulis dare et solvere teneatur. Statuimus eciam et sentencialiter declaramus, prefatos populos in prenotata villa, ad predictam ecclesiam, in omnibus iuribus parochialibus, in perpetuum pertinere. In cuius rei testimonium presentes litteras concessimus, sigilli nostri munimine roboratas. Datum, Strigonii, feria secunda proxima octavas[53] (sic!) Pasche, anno Domini M CCC (sic!) quadragesimo (sic!) tercio.
Nos itaque peticionibus eiusdem magistri iustis et legitimis inclinati, tenorem dictarum litterarum, de verbo ad verbum, presentibus inseri fecimus et nostro sigillo confirmare. In cuius rei testimonium, presentes eidem duximus concedendas, sigilli nostri munimine communitas. Datum, in Visegrad, in octavis omnium sanctorum, anno Domini M-o CCC-o XX-o quarto.
Sigillum e flavo serico pendebat. – Orig. in Arch. Cap. Scepus. Publ. Scrin. 6. fasc. 6. nr. 6. – Privilegii Philippi archieppi dat. erronee expositum pro patulo est. Erat enim idem ab anno 1262 – 1272 in selio archieppali sedens. Verosimile videtur annus 1263 ponend. cf. et Monum. Eccl. Strig. T. I. p. 487. Nro 628. et presertim p. 483. nri 625. notam.; sicut et Fejér: Cod. Dipl. IV/3. 182 et 124.
96.
1324. Avignon. 10. Nov. – Joannes PP. XXII., Carolum I., regem Hungariae, possessionem Neusiedel, e donatione Agnetis reginae viduae, ecclesiae Strigoniensi obvenientem, reddendam urget.
Ed.: Fejér: Cod. Dipl. VIII/2. p. 567.
97.
1324. (Pozsony) 9. Dec. – Carolus I. rex, transscribit et confirmat iudiciales Nicolai comitis Posoniensis, super possessione et piscatura Synkekuta, capitulo Posoniensi concessas.
Karolus, Dei gracia Hungarie, Dalmatie, Croacie, Rame, Seruie, Gallicie, Lodomerie, Cumanie, Bulgarique rex, princeps Sallernitanus et Honoris, ac montis sancti Angeli dominus. Omnibus Christi fidelibus, tam presentibus, quam futuris, presens scriptum cernentibus, salutem in largitore salutis. Cum a nobis
[53] 1263. 9. Ápr.
Első
