statuat eidem comiti Paulo perpetuo possidendam, si non fuerit contradictum; contradictoribus, si qui fuerint, contra eundem comitem Paulum, ad nostram citet presenciam, ad terminum competentem; et post hec diem citacionis, nomina citatorum et terminum assignatum, cum serie tocius facti, nobis fideliter cum cursibus metarum rescribatis. Datum, iuxta fluvium Kukullev, die dominico proximo post festum[49] beate Margarete virginis, anno Domini millesimo CCC° XX-mo quarto.
Nos quia preceptis vestre celsitudinis in omnibus obedire debemus, ut tenemur, cum predicto Henter homine vestro, ad reambulandam possessionem Nicolai Nigri, hominis sine herede decedentis, in comitatu Symigiensi, Tykus vocatam, et statuendum comiti Paulo suprascripto, si non fieret contradictor, magistrum Demetrium subnotarium et hominem nostrum in testimonium transmisimus; qui postmodum, unacum eodem homine vestro,[50] ad nos reversus nobis retulit: ut idem homo vester, in festo exaltacionis Sancte Crucis proxime preterito, in sui presencia ad faciem prefate possessionis aceedendo, convocatis commetaneis et vicinis prefate possessionis, ipsam possessionem reambulasset et reambulando statuisset comiti Paulo prenotato, ex vicinis et commetaneis predicte possessionis nullo penitus contradictore existente, seu apparente. Quam possessionem a terris, seu possessionibus aliorum, hee mete separant et distingunt: in fine ville predicte a parte mexidionali vadit ad meridiem, in latitudine sex iugerum terre, in via usque terram monasterii Sancie Cracis de Bew, ibique declinatur ad occidentem et vadit ad viam magnam, in quam viam incidendo vadit ad septemptrionem directe, ultra quam viam a parte septemtrionali sunt quatuor iugera terre Pauli predicti. Item in alio loco, iuxta eandem viam, modo premisso sunt sex iugera ante villam Johannis dicti Zeuke, in eadem via parumper eundo usque metas terreas Adriani Magni et ibi flectitur ad orientem usque metas terre Nicolai filii Farkasii; adhuc eundo per spinetum ad orientem, pervenit iterum ad terram Adriani, de qua terra egrediens itur ad orientem ad unam vineam, iuxta quam a parte meridionali eundo ad orientem, pervenit ad aliam vineam, de qua vinea adhuc ad orientem peragendo itur ad unam silvam, et in spacio eiusdem silve a parte septemtrionali, adhuc ad orientem gradiendo, transit unam viam et perveniet ad rubetum, de quo rubeto descendit ad unam vallem Kutur vocatum (sic!), transeundo ipsam vallem iungitur metis terre Kuley vocate, ibique flectitur ad meridiem et perveniet ad metas terre Boya, ibique reflectitur ad occidentem et perveniet ad occid (sic!), de qua egressa est, ibique terminatur. Item inter metas terre Morolth, in quator longitudinibus et latitudinibus, versus orientem et occidentem adiacencia triginta duo iugera terre et fenetum, in fine octo iugerum terre, ad latitudinem eorumdem a parte occidentali, de quo feneto egreditur ad orientem, iuxta terram a parte septemtrionali usque viam magnam, ubi est meta terrea; transiliendo ipsam viam vadit ad aliam vyam, ubi est similiter meta, et in eadem via flectitur ad meridiem in longitudine octo iugerum terre, ibique flectitur iterum ad occidentem, usque fenetum suprascriptum, ad unam metam terream, ibique terminantur. Datum, sabbato in octavis[51] beati Michaelis Archangeli, anno Domini Millesimo CCC-o vicesimo quarto.
Nos siquidem, ex huiusmodi relacione predicti conventus Symigiensis, dictam possessionem, licet ad ipsum comitem Paulum, racione proximitatis, devolvenda

[49] 1324. 15. Julii.

[50] 1324. 14. Sept.

[51] 1324. 6. Oct.