dixerunt, protestando. Datum, in vigilia beati Laurencii martiris, anno Domini M° CCC° XXIIII.
E transsumpto capituli Strigon. a. 1351., in Arch, Cap. Poson. Priv. Capsa F. fasc. 1. nr. 12. - Edidit Fejér: Cod. Dipl. VIII/2. 575.

91.
1324. Stolcenberg. 20. Aug. – Boleslaus archieppus Strigoniensis, Thomam praepositum Cibiniensem, recipit in canonicum Strigoniensem, eidemque praebendam canonicalem promittit.
Nos Bolezlaus, Dei gracia archiepiscopus Strigoniensis, eiusdemque loci comes perpetuus, significamus, quod nos consideratis moribus, virtutibus et serviciis honorabilis viri, domini Thome prepositi Cybiniensis, fidelis nostri capellani, volentes ipsius fidelia servicia compensacione congrua premiare, eundem habita deliberacione provida et matura, ecclesie nostre Strigoniensis, tenore presencium, recipimus in canonicum et in fratrem, stallum sibi in choro et vocem in capitulo concedentes, promittentes eidem prebendam canonicalem, primo loco vacaturam conferre, cum omni plenitudine iuris, providentes in hac parte ecclesie pocius, quam persone. Datum, iuxta Stolcumbegr (sic!), in festivitate beati Stephani regis, anno Domini M CCC XX quarto.
E Cod. Andegav. T. II. p. 155.

92.
1324. – 29. Sept. – Conventus Cruciferorum Strigon., privilegium Emerici regis, capitulo Strig. super foro Strigon. datum, transscribit.
Frater Jacobus, magister cruciferorum domus hospitalis sancti regis Stephani de Strigonio, et conventus eiusdem loci, universis Christi fidelibus, ad quos presentes pervenerint, salutem in domino sempiternam. Noveritis, quod honorabiles et discreti viri, dominus Theofilus, dictus Puer, prepositus et magister Renoldus, custos sancte Strigoniensis ecclesie, ad nostram personaliter aceendentes presenciam, exhibuerunt nobis privilegium domini Emirici, quondam regis Hungarie felicis memorie, cum magno sigillo, ad modum globi medii et pecierunt a nobis cum instancia, ut propter varios eventus contrarios locorum, quos homines frequenter incurrunt inopinando et formidant secum deferre res caras, quas habent, ne pereant, ipsum privilegium videremus, et visum ac perlectum de verbo ad verbum transscribi faceremur. Cuius tenor talis est:
Sequitur privileg. Emerici regis a. 1201.[48] consessum, ex ipso orig. editum T. I. p. 162. nr. 150.
Nos vero iustis peticionibus ipsorum annuentes, ut tenemur, predictum privilegium diligenter inspeximus et perlegimus, ac de verbo ad verbum transcriptum, presentibus inseri fecimus. Et quia vidimus non abrasum, non cancellatum, non abolitum, nec in aliqua sui parte viciatum, sigillo non confractum, sed integrum, non deturpatum, in maioris rei certitudinem et testimonium, presentes sigillo conventus nostri duximus roborandas. Datum, in festo beati Michaelis Archangeli, anno Domini M° CCC° vicesimo quarto.
Sigillum e zona membr. pendebat. – Orig. membr., in Arch. Cap. Strigon. Priv. Lad. 41. fasc. 3. nr. 10.

[48] 1201.