unum frisaticum, quo tenentur, dari recusarent, nec dedissent. Item, quod de quolibet curru frumenti siliginis, ordei et brascy, (sic!), que undecunque deferuntur, eorum vectores Strigonienses unum pondus, quo tenentur, dari recusarent, nec dedissent. Item vestium venditores antiquarum et cerdones, quolibet sabbato unum frisaticum, quo tenentur, dari recusarent, nec dedissent. Item mercatores Strigonienses de filis et lanis undecunque portatis, pannorum protextura, tributum dare recusarent. Item omnes mercatores, intra et extra civitatem Strigoniensem existentes, nunc dictarum iniuriarum per eosdem cives predictis honorabilibus viris, modo irrogatarum supradicto, tributum, quo tenentur, animo dari rebelliter recusarent obdurato. Item Stephanus, frater quondam Calmanni, decimas frugum anni preteriti et presentis, quas post obitum eiusdem fratris sui solvere assumpserat, non persolvisset; per quod sepedicti honorabiles diri dampnum viginti garletarum frugum paterentur. Hec autem predicta per modum protestacionis, contra eosdem villicum, iuratos et cives ac Stephanum prenominatos, supradicti honorabiles viri, tempore et loco oportunis exequi intendunt, iusticia mediante. In cuius protestacionis testimonium, ad prefati magistri Johannis peticionem, presentes eisdem honorabilibus viris litteras duximus concedendas, nostro sigillo communitas. Datum, sexta feria proxima post [emanavit: festum] beati Jacobi apostoli, anno Domini M CCC vigesimo quarto.
Sigillum margini fuit appressum. – Orig. membr. pulchre exaratum, in Arch. Cap. Strig. Priv. Lad. 24. fasc. 2. nr. 4. – Brascium = Brace, bracium, brasium, brassium, brassica, grani species, ex qua cerevisia conficitur Cf. Du Cange: Gloss.

90.
1324. (Pozsony.) 9. Aug. – Capitulum Posoniense, Thomam custodem, contra detentores fundationis Carnarii, protestationem interposuisse testatur.
Nos capitulum ecclesie Posoniensis, significamus quibus expedit universis presencium per tenorem, quod discretus vir et honestus Thomas, custos ecclesie nostre, ad nostram accedendo presenciam, proposuit nobis protestando: quod feria quarta proxima ante festum[47] beati Laurencii martiris, prope domum sive turrim, quondam Hertilini iudicis Posoniensis, Henclinus et Jacobus, filii comitis Hambatonis, bone memorie, confessi sunt in presencia discretorum virorum, videlicet domini Jacobi Leupoldi, plebani ecclesie sancti Laurentii et Johannis, plebani de Gele, sociorum et concanonicorum nostrorum, ac providi viri Markhardi, quondam iudicis eiusdem civitatis Posoniensis, seu aliorum quamplurimorum similiter astantibus, quod post tumulacionem dicti Hambatonis, patris ipsorum, videlicet die secunda dotacioni, quam predictus Hambato, pater ipsorum adhuc vivens, fecerat pro capella seu carnario, in cimiterio ecclesie nostre construenda, unam vineam scilicet, unum laneum integrum in terris arabilibus et reddidituum septem librarum, dedissent et assignassent ipsi capelle pleno iure, omnino manus eorum de dictis utilitatibus memorate capelle retrahendo. Sed Jacobus, quondam iudex, filius Deprehti, civis et magister Marlinus, frater dicti Jacobi, noster concanonicus, pretactam donacionem supradicte capelle, contra Deum et iusticiam detinerent occupando. Et hoc, iidem prefati Henclinus et Jacobus in ecclesia nostra, cum essemus in capitulo et de divcrsis negotiis ecclesie nostre tractaremus, concorditer coram nobis

[47] 1324. 8. Aug.