presencium patrocinio perpetuo confirmamus. Cassantes et irritas annunciantes quascumque nostras., vel predecessorum nostrorum litteras, contra huiusmodi composicionis seriem, quibuscumque concessas et quomodolibet emanatas. In cuius rei memoriam et certitudinem pleniorem, presentes concessimus sigilli nostri autentici munimine roboratas. Datum, Posonii, in dominica Letare, anno Domini M. CCC. XX quarto.
Sigillum e viridi et albo serico pendet – Orig. membr. in Arch. S. Mont. Pannoniae. – Copia, quondam P. R Sztachovits.
79.
1324. Pozsony. 24. Mart. – Capitulum Poson., coram magistro Nicolao, comite Poson., contra castrenses de Kürt, ob illata damna protestando, emendam postulat.
Nos magister Nicolaus, comes Posoniensis et quatuor iudices nobilium de eodem, damus pro memoria, quod discreti viri magister Nicolaus prepositus et capitulum ecclesie Posoniensis, coram nobis protestati dixerunt: quod per litem, quam Petrus, filius Pauli et socii sui homines castrenses de Kurth, contra eos, super possessione et piscaturis Synketekuta, seu Synky vocatis de Kurth, et pertinentibus ad easdem moverunt., et per sequestracionem, seu prohibicionem redituum et utilitatum dictarum piscaturarum, ad instanciam et procuracionem dictorum Petri et sociorum eius factam; et propter labores et expensas ob hoc factas, iniuriam magnam et dampnum triginta marcarum passi fuissent; et super hys iusticiam fieri et emendam postulabant et postularent. Nos vero, ad peticionem dictorum prepositi et capituli, presentes litteras protestatorias concessimus eisdem in testimonium. Datum, Posonii sabbato proximo ante dominicam Letare, anno Domini millesimo CCC vigesimo quarto.
Duo sigilla tergo fuerunt appressa. – Orig. membr., in Arch. ap. Pos. Priv, Capsa E. fasc. 3. nr. 82.
80.
1324. Pozsony. 1. Apr. – Boleslaus, archiepiscopus Strigon., transscribit privilegium Bonifacii VIII. PP., monialibus s. Clarae de Posonio, concessum.
Boleslaus, Dei gracia archiepiscopus Strigoniensis, eiusdemque loci comes perpetuus, omnibus Christi fidelibus presencium noticiam habituris, salutem in Domino sempiternam. Ad universorum noticiam harum serie volumus pervenire, quod accedentes ad nostram presenciam religiose domine, conventus monasterii sancte Claree de Posonio, exhibuerunt nobis quoddam privilegium Bonifacii pape, tenoris infrascripti, petentes devota precum instancia, ut illud ratificare, specialiter transcripcione nostrarum litterarum dignaremur paternaliter publicare. Cuius tenor talis est:
Sequitur priv. Bonifacii VIII. PP. a. 1296.2. Jun.[44] edit. ex hoc ipso transsumpto T. II. p. 388. nr. 391.
Nos itaque devotis earumdem dominarum peticionibus paternaliter inclinati, tenorem prescripti privilegii pape (sic!), prout est possibile ratificamus, ipsumque privilegium, vigore presencium nostrarum litterarum, omnium noticie publicamus; volentes id ab omnibus decimatoribus et aliis quibus expedit, mandantes
[44] 1296. 2. Jun.
Első
