Datum,[41] sabbato ante dominicam Oculi mei, anno eiusdem M CCC vigesimo quarto.
Predicto autem die sabbati adveniente,[42] convenientibus et presentibus nobis ad maiorem ecclesiam Posoniensem, discreti viri Johannes plebanus de Gele, vicearchidiaconus de Chollokuz et Lyphardus sacerdotes, et canonici dicte ecclesie Posoniensis, per predictos Petrum et suos socios ad iurandum de capitulo electi, iuraverunt in animas proprias et tocius capituli, quod possessio et piscatura, Synketekuta seu Synky vocata, esset una et eadem possessio et piscatura, licet nomina plura haberent et diversa; et quod non ad predictos Petrum et suos socios castrenses, sed ad prefatos prepositum et capitulam pertineret pleno iure. Nos autem omnibus premissis et aliis diligenter consideratis et examinatis, habita eciam plena deliberacione, vice et auctoritate eiusdem domini nostri regis, predictam possessionem et piscaturam Synketekuta seu Synky nominatam totam, cum omnibus utilitatibus suis et pertinenciis universis, prout ipsum capitulum ante tempus litis, per predictos Petrum et suos socios super hys, coram nobis mote, tenuisse et possedisse dinoscitur, eisdem preposito et capitulo sentencionaliter duximus adiudicandam, dandam, tenendam, habendam et perpetuo possidendam; ab inpeticione predictorum Petri et sociorum suorum eosdem super hys absolventes. In cuius rei testimonium et firmitatem presentes, nostris fecimus sigillis communiri. Datum, Posonii, predicto die sabbati, anno Domini millesimo trecentesimo vigesimo quarto.
Extus manu medii aevi: Privilegium in iudicio obtentum, super possessione Kurth. – Primum sigillum e rubro serico pendebat, secundum e ceruleo, tercium exesum e viridi serico pendet, quartum e flavo dependens avim extensis alis exhibet, cum inscriptione; + S. COMITIS PETRI DE G(uttur); quintum denique sigillum exesum e rubro serico pendet. – Orig. membr. pulchre exaratum, in Arch. Cap. Pos. Priv. Capsa C. fasc. 1. nr. 3.

78.
1324. Pozsony. 25. Mart. – Boleslaus archieppus Strigon., conventionem inter Hermannum, abbatem S. montis Pannon. et Seraphinum prepositum Poson., confirmat.
[B]oleslaus, Dei et apostolica gracia archiepiscopus Strigoniensis, eiusdemque loci comes perpetuus et dux Thostensis, universis Christi fidelibus, presencium noticiam habituris, salutem in omnium Salvatore. Ad universorum noticiam tam presencium, quam futurorum harum serie cupimus pervenire, quod accedens ad nostram presenciam, honorabilis vir dominus Jacobus, olim iudex Posoniensis, filius quondam comitis Deprehti, civis Posoniensis, exhibuit nobis quasdam litteras privilegiales, magistri Altegradi de Lendenavia, doctoris decretorum, domini pape capellani, et tunc apostolice sedis legati, cancellarii et generalis auditoris causarum, tenoris infrascripti, petens ad maioris iuris conservacionem earumdem litterarum, ipsas nostris dignaremur litteris aprobare. Quarum quidem litterarum tenor talis est:
Sequitur priv. a. 1302. exarat.[43] in Cod. Andegav. edit. T. II. p. 21.
Nos itaque iustis et legitimis, eiusdem domini Jacobi peticionibus., favore paterno inclinati, tenorem prescriptarum litterarum de verbo ad verbum presentibus insertum, ratificamus et ipsam composicionem auctoritate metropolitica

---

[41] 1324. 17. Mart.

[42] 1324. 24. Mart.

[43] 1302.