mandantes firmiter, observary. In cuius rei testimonium, presentes duximus concedendas, sigilli nostri munimine roboratas. Datum, Posonii, in dominica Judica, anno Domini M trecentesimo vicesimo quarto.
Sigillum e rubro et flavo serico pendet. – Orig. membr. in Arch. Reg. Hung. Regnicol MODL. 2214. Signatura vet.: Monial. Budens. fasc. 15. Nro 9. - Edid. Fejér: Cod. Dipl. VIII/2. p. 573

81.
1324. Esztergom. 26. Apr. – Boleslaus, archieppus Strigon., mandat archidiacono Gömöriensi et vicariis eiusdem, ut capellam et coemeterium, in terra Raaz vocata, circa fluvium Turócz, quam comes Paulus, pater Stephani praepositi Quinqueeccl., una cum Joachimo comite, Nicolao, filio Zsank, ac ceteris vicinis suis, a Thoma quondam archiepiscopo impetrassent, in loco hoc relinqui et coemeterium consecrari faciant. Datum Strigonii, in craslino festivitatis beati Marci Ev. A. D. MCCCXXIV.
Edid. Fejér: Cod. Dipl. VIII/2. p. 571.

82.
1324. Esztergom-Szent István. 10. Maii. – Conventus Cruciferorum de Strigon., filios Dyonisii, possessionem Fegyvernek vendidisse perhibet.
Nos frater Jacobus, miseracione divina magister cruciferorum, et conventus ecclesie sancti regis Stephani de Strigonyo, memorie commendantes significamus, quibus expedit tenore presencium universis, quod Andreas et Michael, filii Dyonisii, nobiles iobagiones ecclesie Strigonyensis de Sanw, coram nobis personaliter constituti, confessi sunt oraculo vive vocis: quod illam possessionem ipsorum, videlicet Feguernuk vocatam, in comitatu Huntensi existentem, quam comes Leos, frater dicti Dyonisii avus ipsorum, a Stephano quondam inclito rege Hungarie, bone memorie, pro suis meritoriis serviciis acquisiverat, et ab ipso ad dictum Dyonisium de iure devoluta extiterat, et idem Dyonisius eandem comiti Georgio, filio Jexe, pro quadam sumpma pecunie vendiderat, et post hec ipsa vendicio ad comitem Bede, filium Egidii est conversa, mediantibus litteris nostris privilegialibus, tamen empta et comparata, prout prefatus pater ipsorum, videlicet Dyonisius vendidit eandem, similiter ipsi, cum omnibus utilitatibus et pertinenciis earundem, nullum ius in eadem pro se reservantes, ipsi vendicioni et comparacioni plenum assensum, pariter et consensum prebuerunt, predicto comiti Bede et suis heredibus, in perpetuum promittentes ipsorum sponte, (sic!) quod nullo unquam tempore, super facto ipsius possessionis, contra ipsum comitem Bede et suos heredes, aliquam movere questionem. Datum, apud sanctum Regem, feria quinta proxima post festum sancti Johannis ante portam Latinam, anno Domini M CCC vigesimo quarto.
Extus: Fegwernek. – Sigillum margini exteriori fuit appressum. – Orig. membr. in Arch. Mus. Nation. Budapest. Arch. Famil. Balassa.

83.
1324. Visegrad. 17. Maii. – Carolus I. rex, Thomam abbatem de Kedhely, possessionem Flanczendorf, capitulo Poson. resignasse testatur.
Seriem vide sub nr. 156.

---