Andream regem predecessorem nostrum, quam per nos factam, irrevocabiliter confirmamus, ratificamus et approbamus. In cuius rei memoriam, firmitatemque perpetuam, presentes concessimus, sigilli nostri novi et autentici dupplicis munimine roboratas. Datum, per manus discreti viri Ladislai prepositi Albensis, aule nostre vicecancellarii, dilecti et fidelis nostri, anno Domini M CCC XX tercio regni autem nostri anno similiter XX tercio. Venerabilibus in Christo patribus, dominis scilicet eodem B.[oleslao] Strigoniensi, fratre Ladislao Colocensi et fratre Petro Spalatensi archiepiscopis; Johanne Nitriensi, Benedicto Chanadiensi, Nicolao Jauriensi, Georgio de Sancto Ireneo, Ladislao Quinqueecclesiensi, fratre Petro Boznensi, Joanka Waradiensi, Andrea Transsiluano, Herrico Wesprimiensi et aule regine, karissime consortis nostre cancellario, ecclesiarum episcopis. Magnificis viris Phillippo palatino, Demetrio magistro tawarnicorum nostrorum, Lamperto iudice curie nostre, Thoma woyuoda Transsiluano, Nicolao bano tocius Sclauonie, Mykch magistro tawarnicorum prefate domine regine, Deseu [emansit: iudice] curie eiusdem, Paulo bano de Macho, Blasio magistro agasonum nostrorum, Dionisio magistro dapiferorum nostrorum, Nicolao comite Posoniensi, Nicolao comite Sy[mi]giensi, et aliis quam pluribus, coraitatus regni tenentibus et honores.
Extus manu saec. XV.: Donacio nova et confirmacio antiquorum privilegiorum, super donacione et reambulacione possessionis Rosnobana. – Sigillum e rubro et flavo serico pendebat. – Orig. membr., in Arch. Primat. Sec. Lad. H. nr. 6.

74.
1324. – 8. Jan. – Magister Nicolaus, comes Posoniensis, piscaturam Sinketrkútja, ab hominibus Csősz dictis, per castrenses occupatam, ab illis autem per Petrum filium Tolvaj, ab hoc iterum per capitulum Posoniensem receptam esse, testatur.
Tenorem vid. sub. nr. 77.

75.
1324. Visegrád. 8. Mart. – Carolus I. rex, abbatem et conventum S. Benedicti de iuxta Gron, in suam tutelam suscipit, eisdemque terciam partem tributi de Bars, restituit.
Nos Karolus, Dei gracia rex Hungarie, significamus quibus expedit universis per presentes, quod, quia divine maiestatis reverencia cordi nostro vehementer insidet, et ad eius nominis cultum mentis nostre acies sedule occupatur: ecclesiam beati Benedicti abbacialem de iuxta Goron, cum omnibus possessionibus et bonis ad eandem spectantibus, in nostre maiestatis proteccionem recipientes et tutelam, vice nostre persone magistro Emirico, castellano nostro de Leua, duximus ad protegendum et defendendum committendum; et tributum eiusdem ecclesie videlicet terciam partem tributi, quod in Bors exigitur eidem, ob spem beatitudinis eterne, reddidimus pacifice possidendum. Quapropter volumus, et tibi magistro Emirico castellano de Leua predicto, presentibus firmiter precipimus et districte, quatenus predictam ecclesiam, cum suis omnibus possessionibus et bonis, principaliter a te et ad te pertinentibus, et per consequens ab omnibus aliis, nostre dileccionis intuitu defensare debeas et tueri, auctoritate nostra mediante, nullam collectam seu exaccionem, quocunque nomine censeatur, super possessiones dicte