fidelis nostri. Anno Domini M CCC XX tercio, quinto Kalendas Januarii, regni autem nostri anno similiter XX tercio. Venerabilibus in Christo patribus, dominis Bolezlao Strigoniensi et fratre Ladislao Colocensi archiepiscopis; Johanne Nitriensi, Benedicto Chanadiensi, Nicolao Jauriensi, Georgio de sancto Ireneo, Ladislao Quinqueecclesiensi, Petro Boznensi, Iwanka Waradiensi, Andrea Transiluano, Herrico Wesprimiensi et Chanadino Agriensi, ecclesiarum episcopis, ecclesias Dei feliciter gubernantibus. Magnificis viris Philippo palatino, comite Scepusiensi; Demetrio magistro tavarnicorum nostrorum, comite Bachiensi; Lamperto iudice curie nostre, Thoma Woyuoda Transilvano et comite de Zonuk; Nicolao bano tocius Sclauonie; Mykch magistro tavarnicorum domine regine, Deseu iudice curie eiusdem, et aliis quam pluribus comitatus regni nostri tenentibus et honores.
Fragmen sigilli e rubro et flavo serico pendet. – Orig. membr., pulchre exaratum, in Arch. Prim. Sec. Lad. F. nr. 154. - Edidit Fejér: Cod. Dipl. VIII/2. p. 408.
73.
1323. – – Carolus I. rex, Boleslao archieppo Strigoniensi, possessionem Rozsnyóbánya, nova donatione, novoque sigillo roborat.
[K]arolus, Dei gracia Hungarie, Dalmacie, Crouacie, Bame, Seruie, Gallicie, Lodomerie, Cumanie, Bulgarieque rex, princeps Sallernitanus et Honoris, ac montis sancti Angeli dominus. Omnibus Christi fidelibus presens scriptum inspecturis, salutem in omnium Salvatore. Ad universorum noticiam harum serie litterarum volumus pervenire: quod venerabilis in Christo pater dominus Bolezlaus, archiepiscopus Strigoniensis, locique eiusdem comes perpetuus, dilectus et fidelis proximus noster, ad nostre serenitatis accedens presenciam, nobis humiliter supplicavit, quod possessionem suam archiepiscopalem, Rosnobana vocatam, in comitatu Gumuriensi existentem, quam sui predecessores archiepiscopi, ex collacione et donacione predecessoris nostri Andree regis, necnon et nostra confirmacione et donacione, mediante sigillo nostro antiquo, pacifice usque modo possederunt, nos predictam collacionem et donacionem, ac nostram confirmacionem, novo nostro et autentiquo (sic!) sigillo confirmare et nove donacionis titulo, propter maiorem rei evidenciam et cuiuslibet contradiccionis repulsionem, condonare et tradere dignaremur, ne preiudicium aliguale successivis temporibus., sibi et ecclesie Strigoniensi, ac suis successoribus archiepiscopis, ex hoc generetur. Nos igitur consideratis iustis et legitimis peticionibus prefati Bolezlai archiepiscopi, proximi nostri karissimi, ipsam donacionem possessionis Rusnobana vocate, similiter et nostram confirmacionem et donacionem, cum antiquo sigillo nostro factam, super eadem possessione advertantes, et cordi nostro asscribentes fidelissima servicia ipsius ecclesie Strigoniensis, que nobis continue impendit, noue donacionis titulo, predictam possessionem Bosnobana, cum omnibus suis utilitatibus et pertinenciis, argentifodinis videlicet et aurifodinis inventis et inveniendis, intra suas metas, limitaciones et terminos, prout in litteris privilegialibus prefati Andree regis circumqunque et per omnes partes eiusdem possessionis nominatim continetur, quibuslibet contradiccionibus, variacionibus, ac mutacionibus remotis donamus, tradimus et perpetua valitudine eidem venerabili in Christo patri Bolezlao archiepiscopo, et suis successoribus archiepiscopis, predictam donacionem eiusdem possessionis, tam per predictum