legitimis peticionibus eiusdem Henrici annuentes, totum tenorem litterarum eiusdem domini nostri archiepiscopi, presentibus inseri fecimus, easdem . . . . . . . . . . . . in festo Omnium Sanctorum, anno Domini Millesimo CCC vigesimo tercio.
Sigillum cum zona periit. – Orig. membr., situ exesum et in ultimis lineis mutilum, in Arch. Cap. Poson. Publ. Capsa 9. fasc. M. nr. 2.

70.
1323. – 23. Nov. – Cruciferi Strigon., cives quosdam Strigonienses, recaptivationi quatuor mansionum in Csolnok, pro monialibus de Insula Budensi, contradixisse testatur.
Edid. Codex Andegav. T. II. p. 82 et 103.

71.
1323. Avignon. 24. Nov. – Joannes PP. XXIL, Donzoni, comiti de Zólyom et eius uxori permittit, ut confessorem sibi eligere possint.
Theiner: Monumenta Hung. Hist. T. I. p. 493.

72.
1323. – 28. Dec. – Carolus I. transscribit et confirmat privilegium Belae IV. regis, super possessiones Zellő et Rendve, Nicolao custodi Strig. concessum.
Karolus Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque rex, princeps Sallernitanus et Honoris, ac Montis sancti Angeli dominus. Omnibus Christi fidelibus, presentibus et futuris, presencium noticiam habituris, salutem in eo, qui regibus dat salutem. Exardescens ad ethera regalis dyadematis exuberans devocio, eo saluti sue prospicit utilius, quo a predecessoribus suis ecclesiis pie donata lympidius approbat et confirmat. Proinde ad universorum noticiam, harum serie volumus pervenire: quod accedens ad nostre serenitatis presenciam, honorabilis vir dominus Renoldus, custos sancte Strigoniensis ecclesie, exhibuit nobis quoddam privilegium feliciis recordacionis domini Bele, incliti regis Hungarie, avi et predecessoris nostri, tenoris infrascripti, petens a nobis devota precum instancia, ut tenorem eiusdem ratum habere et donaciones possessionum in eodem insertarum, custodie Strigoniensi, nostro dignaremur privilegio confirmare. Cuius tenor talis est:
Sequitur priv. Belae IV. regis prohabil. a. 1249 concess.[37], et ex hoc ipso transsumpto edit. in T. I. p. 381. nr. 490.
Nos itaque iustis et legitimis, admissionique dignis, eiusdem domini Renoldi custodis peticionibus, favorabiliter inclinati, tenorem memorati privilegii, non abrasum, non cancellatum, nec in aliqua sui parte viciatum, de verbo ad verbum presentibus inseri facientes ratificamus et approbamus, et memoratas donaciones possessionum, ipsi domino Renoldo custodi, et per ipsum custodie ecclesie Strigoniensis, presentis scripti patrocinio perpetuo confirmamus. In cuius rei memoriam, perpetuamque firmitatem, presentes concessimus litteras, novi et autentici sigilli nostri dupplicis munimine roboratas. Datum, per manus discreti viri magistri Endre, lectoris Quinqueecclesiensis, aule nostre vicecancellarii, dilecti et

[37] 1249