privilegium non abrasum, non cancellatum, nec in aliqua sui parte viciatum, prout hic de verbo ad verbum est insertum, seu donacionem ville Samud, ac terre Kuurth et possessionum predictarum, ex certa sciencia innovamus, approbamus, ratificamus et de prelatorum ac barronum nostrorum consilio et consensu, predicte prepositure et ecclesie Posoniensi, auctoritate presencium perpetuo confirmamus. In cuius rei memoriam, stabilitatemque perpetuam presentes concessimus litteras, dupplicis novi et autentici sigilli nostri munimine roboratas. Datum per manus discreti viri, magistri Ladyzlai, prepositi ecclesie Albensis, aule nostre vicecancellarii dilecti ac fidelis nostri, anno Domini Millesimo CCC vicesimo tercio, sexto Kalendas Julii, regni autem nostri anno similiter vicesimo tercio. Venerabilibus in Christo patribus, dominis Bolezlao Strigoniensi et fratre Ladyzlao Colocensi archiepiscopis; Johanne Nitriensi, Benedicto Chanadyensi, Nicolao Jauriensi, Georgio de S. Ireneo, Ladyzlao Quinqueecclesiensi, fratre Petro Boznensi, Iwanka Waradyensi, Andrea Transilwano, Herrico Wesprimiensi, aule domine regine cancellario et Chanadino Agriensi, ecclesiarum episcopisr ecclesias Dei feliciter gubernantibus. Magnificis viris Phylippo palatino, comite Scepsiensi et de Wyuar, ac iudice Cumanorum; Demetrio magistro tavarnicorum, comite Bachyensi et Trynchiniensi; Lamperto iudice curie nostre, comite Chanadyensi et Nytriensi; Thoma Woyuda (sic!) Transiluano, comite de Zonuk; Nicolao bano tocius Sclauonie, comite Supruniensi et de Komarun; Mykch magistro tavarnicorum domine regine predicte, karissime consorsis nostre; Deseu iudice curie eiusdem regine; Paulo bano de Machou, comite Syrimiensi, de Wolkou et de Budrugh; Blasio magistro agasonum nostrorum, comite Huntensi; Dyonisio magistro dapiferorum nostrorum, castellano de Myhald; Nicclao dicto Treutel, comite Posoniensi et Nicolao comite Symigiensi, ac aliis quam pluribus comitatus regni nostri tenentibus et honores.
Sigillum e rubro et flavo serico pendebat. – Orig. membr. pulchre exaratum in Arch. Cap. Pos. Priv. Capsa C. fasc. 7. nr. 74. – Idem privil. confirmat Ludovicus I. A. 1357. 18. Januarii Ibid. Capsa C. fasc. 7. nr. 75. – Illud vero transcribit capit. Jaurinense A. 1403. – Ibidem Capsa C. fasc. 7. nr. 76 – 78.

61.
1323. (Pozsony.) 27. Jun. – Capitulum Posoniense, relictam Marci Fodor, servum suum Benedictum, manumisisse testatur.
A. B. C.
Universis Christi fidelibus, presentes litteras inspecturis, capitulum ecclesie Posoniensis salutem, in salutis largitore. Ad universorum noticiam tenore presencium volumus pervenire, quod constituta personaliter coram nobis nobilis domina, filia Jacobi de villa Magar, relicta vero Marcy, dicti Fudur de Wilk, est confessa oraculo vive vocis: quod ipsa, pro amore Dei et pro remissione peccatorum parentum suorum et omnium predecessorum suorum, ac ipsius relaxacione peccatorum, quendam servum suum, nomine Benedictum, qui coram nobis personaliter astando, servum eiusdem se fuisse dixit et asseruit, quem sibi fideliter sua exhibuisse servicia dixit et asseruit, et eciam pro tribus marcis denariorum Wiennensium, plene ab eodem in suis necessitatibus habitis et receptis, cum permissione et bona voluntate Johannis et Thome, filiorum

---