presentes concessimus litteras, dupplicis novi et autentici sigilli nostri munimine roboratas. Datum, per manus discreti viri magistri Ladyslai, prepositi ecclesie Albensis, aule nostre vicecancellarii, dilecti et fidelis nostri, anno Domini M CCC vicesimo tercio, sexto Kalendas Iulii, anno regni nostri similiter vicesimo tercio.[30] Venerabilibus in Christo patribus dominis Bolezlao Strigoniensi et fratre Ladyzlao Colocensi archyepiscopis; Johanne Nitriensi, Benedicto Chanadyensi, Nicolao Jauriensi, Georgio de Sancto Ireno (sic.), Ladyzlao Quinqueecclesiensi, fratre Petro Boznensi, Jwanka Waradyensi, Andrea Transilvano, Herrico Wesprimiensi, aule domine regine, karissime consortis nostre, cancellario, et Chanadino Agriensi episcopis, ecclesias Dei feliciter gubernantibus; magnificis viris Phylippo palatino, comite Scepusyensi et de Wyuar, ac iudice Cumanorum; Demetrio magistro tavarnicorum nostrorum, comite Bachyensi et Trinchiniensi; Lamperto iudice curie nostre, comite Chanadiensi et Nitriensi; Thoma woyuoda Transiluano, comite de Zonuk; Nicolao bano tocius Sclauonie, comite Supruniensi et de Komarum, Mykch magistro tavarnicorum domine regine, comite de Sarus et de Zemlen, Deseu iudice curie eiusdem regine, Paulo bano de Machou, comite Syrimiensi, de Wolkou et de Budrugh, Blasio magistro agasonum nostrorum comite Huntensi, Dyonisio magistro dapiferorum nostrorum, castellano de Myhald, Nicolao dicto Treutel comite Posoniensi et Nicolao, filio Gylety, comite Symigiensi, ac aliis quam pluribus regni comitatus tenentibus et honores.
Sigillum cum zona periit. – Orig. membr. in Arch. Cap. Poson. Priv. Capsa G. fasc. 7. nr. 162.

60.
1323. – 26. Junii. – Carolus I. rex, transscribit privilegium Ladislai IV. regis, super possessionibus capituli Posoniensis, Sámod, Vök et Kürt, concessum.
[K]arolus Dei gracia Hungarie, Dalmacie, Croacie, Seruie, Gallicie, Lodomerie, Cumanie, Bulgarieque rex, princeps Sallernitanus et Honoris, ac Montis sancti Angeli dominus. Omnibus Christi fidelibus, tam presentibus quam futuris, presentem paginam inspecturis, salutem in omnium Salvatore. Quociens a nobis petitur, quod honestum est, decet regiam maiestatem consentire ea presertim, que sacrosanctarum videntur ecclesiarum comodis convenire. Proinde ad universorum noticiam harum serie volumus pervenire: quod accedens ad nostre serenitatis presenciam discretus vir Thomas, custos ecclesie sancti Salvatoris de Posonio, nomine eiusdem ecclesie Posoniensis capituli, exhibuit nobis quoddam privilegium domini Ladyzlai, inclite recordacionis quondam illustris regis Hungarie, fratris nostris karissimi, super donacione et collacione possessionum inferius in eiusdem tenore expressarum emanatum, petens a nobis humili precum instancia, ut idem privilegium ratum habere et ad uberiorem cautelam et conservacionem iuris ipsius ecclesie, presentis patrocinio, novique et autentici sigilli nostri caractere, dignaremur de benignitate regia confirmare. Cuius quidem privilegii tenor talis est:
Sequit. priv. Ladislai IV. regis de a. 1277. edit. ex ipso origin.[31] T. II. p. 71. nr. 59.
Nos siquidem ipsius privilegii domini regis Ladyzlai inspecta veritale, iuxta devotam peticionem capituli predicte ecclesie Posoniensis, idem privilegium

---

[30] 1323. 26. Jun.

[31] 1277. 28 Mart.