semotum, de verbo ad verbum presentibus insertum acceptamus, aprobamus et ratificamus, idemque privilegium et possessionem memoratam, ipsi ecclesie Posoniensi, sub appensione sigilli nostri novi et autentici perpetuamus et presentis scripti patrocinio, ex certa nostra sciencia, de consilio infrascriptorum prelatorum et baronum regni nostri, perpetuo confirmamus. In cuius rei memoriam et perpetuam firmitatem presentes concessimus litteras, duplicis sigilli nostri, novi et autentici, munimine roboratas. Datum, per manus discreti viri Ladizlai, prepositi Albensis, aule nostre vicecancellarii, dilecli et fidelis nostri. X-o Kalendas Julii, anno Domini M CCC XXIII, regni quoque nostri anno similiter XXIII, Venerabilibus etc.
Sequuntur nomina praelatorum et baronum omnino prout in nr. 48. superius communicato. Solum loco: Sceps hic Scepus; Zolnok hic Zonuk; Machou hic Machyo et Zemplen hic Zemlen est scriptum.
Fragmen sigilli e rubro, viridi, ceruleo et flavo serico pendet. – Orig. membr. pulcherrime exaratum in Arch. Cap. Pos. Priv. Capsa C. fasc. 4. nr. 38. – Transsumptum vero Ludovici I. regis ex a. 1357. ibidem: Capsa C. fasc. 4. nr. 43.

59.
1323. – 26. Junii. – Carolus I. rex, transscribit literas confirmationales Cardinalis Gentilis, super decimis ecclesiae Posoniensi obvenientibus, editas.
[K]arolus, Dei gracia Hungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque rex, princeps Sallernitanus et Honoris, ac Montis Sancti Angeli dominus, omnibus Christi fidelibus, tam presentibus, quam futuris, precencium noticiam habituris, salutem in omnium Salvatore. Cum a nobis petitur quod honestum est, decet excellenciam regiam consentire in hys presertim, que sacrosanctarum ecclesiarum videntur commodis convenire; proinde ad universorum noticiam harum serie volumus pervenire, quod vir discretus Thomas, custos ecclesie Sancti Salvatoris de Posonio, ad nostram accedens presenciam, nomine eiusdem ecclesie exhibuit nobis quoddam privilegium domini Gentilis, bone memorie quondam tituli sancti Martini in Montibus presbiteri cardinalis et apostolice sedis legati, confirmans privilegium domini Thome, bone memorie quondam archyepiscopi Strigoniensis, locique eiusdem comitis perpetui, super donacione decime tributi de portu Posoniensi emanatum, petens a nobis humili precum instancia, ut idem privilegium ratum habere et ad uberiorem cautelam et conservacionem iuris predicte ecclesie, presentis patrocinio novique et autentici sigilli nostri caractere, dignaremur de benignitate regia con firmare. Cuius quidem privilegii tenor talis est:
Sequitur priv. Card. Gentilis de A. 1311. 23. Aug.[29] vid.: T. II. p. 646. nr. 719.
Nos siquidem ipsius privilegii domini Gentilis cardinalis et apostolice sedis legati, inspecta veritate, iuxta peticionem dicte ecclesie Posoniensis, idem privilegium non abrasum, non cancellatum, nec in aliqua sui parte viciatum, prout hic de verbo ad verbum est insertum, seu ipsam donacionem domini Thome archyepiscopi, factam predicte ecclesie sancti Salvatoris de decima tributorum predictorum, ex certa sciencia et de prelatorum ac baronum nostrorum consilio et consensu innovantes, approbantes, ratificantes et presentis scripti patrocinio perhempniter confirmamus. In cuius rei memoriam, firmitatemque perpetuam

---

[29] 1311. 23. Aug.