ibidem incidit in metas alterius Kurtwelis ab occidente; deinde per metas eiusdem terre tendit ad metas tercie ville Kurtwelis et per metas eiusdem procedens versus septemtrionem, incidit in metas ville Pach, per cuius metas protenditur usque ad metas alterius terre Zelinch, similiter eiusdem ecclesie Posoniensis et sic per metas ipsius terre redit versus orientem ad primam metam et ibidem terminatur. Preterea idem Petrus, et alii predicti heredes seu proximi dicti Woch, assumpserunt se obligando, quodsi ullo unquam tempore, predicti prepositus et capitulum, racione terre predicte per quempiam inpeterentur: ipsi eosdem prepositum et capitulum, propriis laboribus et expensis expedire tenentur. In cuius rei testimonium et firmitatem, presentes eidem preposito et capitulo concessimus, nostro sigillo communitas. Datum, sabbato proximo post festum beatorum Viti et Modesti martirum. Anno Domini Millesimo Trecentesimo vicesimo tercio.
Sigillum e rubro et flavo serico pendet. – Orig. in Arch. Cap. Poson. Priv. Capsa C. fasc. 5. nr. 48.
57.
1323. Pozsony 18. Jun. – Magistratus comitatus Posoniensis, capitulum Posoniense, vi mandati regii, in possessionem Deáki, statutum esse perhibet.
Tenorem vide sub nr. 157.
58.
1323. – 22. Junii. – Carolus I. rex, confirmat privilegium, super possessione Türnye, capituli Poson.
Karolus, Dei gracia Ungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque rex, princeps Sallernitanus et Honoris, ac Montis S. Angeli dominus, omnibus Christi fidelibus presencium noticiam habituris, salutem in omnium Salvatore. Exardescens ad hetera regalis dyadematis exuberans devocio eo saluti sue prospicit utilius, quo a predecessoribus suis ecclesiis, ac earum usibus pia devocione collata, sue roboracionis fulcimento limpidius approbat et confirmat. Proinde ad universorum noticiam, tam presencium quam futurorum, harum serie wolumus pervenire; quod accedens ad nostre serenitatis presenciam Th.(omas), custos ecclesie s. Salvatoris de Posonio, nomine et vice eiusdem ecclesie, exhibuit nobis quoddam privilegium, inclite recordacionis Andree regis Ungarie, predecessoris nostri, per eum eidem ecclesie, super collacione possessionis Johannis, filii Petri, Turnye wocate concessum, petens a nobis nomine ecclesie memorate, devota precium instancia, ut idem privilegium ratum habere, nostroque dignaremur privilegio confirmare. Cuius quidem privilegii tenor talis est:
Sequitur priv. Andreae III. regis 1292. 2. Febr. emanatum[28]. Vid. T. II. p. 136. nr. 319., ubi ex ipso originali edit. est.
Nos igitur iustis, devotis et legitimis eiusdem Posoniensis ecclesie peticionibus, de solite regie benignitatis gracia favorabiliter inclinati, tenorem eiusdem privilegii, per nos diligenter recensiti et attencius percunctati, non abrasum, non cancellatum, nec in aliqua sui parte viciatum, sed ab omni suspicione semotum
[28] 1292. 2. Febr.
Első
