scitum nobilium et aliorum hominum comitatus Posoniensis, super reambulacione et restitucione predictarum et aliarum possessionum, dicte ecclesie Posoniensis, modo debito et ordine processisset et quia eciam coram nobis contra eumdem prepositum et ecclesiam Posoniensem nullus apparuit contradictor, seu agens et litigans, restitucionem predictarum possessionum Bel, Dyaky et Toxun vocatarum, per eosdem N.[icolaum] et D.[ominicum] factam approbantes et confirmantes, presentes eisdem preposito et capitulo, in predictorum omnium testimonium et firmitatem concessimus, sigilli magistri N.[icolai] comitis Posoniensis domini nostri, et nostrorum sigillorum appensione roboratas. Datum Posonii, sabbato proximo post festum beatorum Viti et Modesti martyrum. Anno Domini M CCC vicesimo tercio.
Quinque sigilla tergo fuerunt appressa. – Orig. pulchre exaratum, in Arch. Cap. Poson. Priv. Capsa C. fasc. 11. nr. 124. – Trans. saec. XVI. Ibid. Capsa D. fasc. 5. nr. 51.

55.
1323. Pozsony. 18. Jun. – Magistratus Comitatus Posoniensis, terras Bel, Kicze, Apka et Taksony, vi mandati regii, capitulo Posoniensi restituit.
Tenorem vide sub nr. 162.

56.
1323. (Pozsony.) 18. Junii. – Magistratus civitatis Posoniensis, Petrum Sartorem cum cognatis, capitulo Posoniensi, terram suam Ablincs vendidisse testatur.
Nos Marchardus iudex et iurati, ac universi cives de Posonio significamus, quibus expedit universis, presencium per tenorem: quod constituti personaliter coram nobis Petrus dictus Sartor, gener scilicet quondam Woch civis de Posonio, domina Margareta filia eiusdem Woch, pro se et pro nepotibus suis Margareta et Anna, filie eiusdem Petri, neptes scilicet dicti Woch et Johannes filius quondam Laurentii filii dicti Petri, ac Michael filius dicte Anne, pronepotes eiusdem Woch, concives nostri ex una parte; magistri Johannes Longus et Emiricus canonici ecclesie Posoniensis, nomine et vice prepositi, ac capituli eiusdem ecclesie ex parte altera; iidem Petrus, Margareta filia Woch, Margareta et Anna, Johannes et Michael, viva voce sunt confessi, quod ipsi quandam terram eorum Ablench vocatam, ad sex aratra sufficientem, in comitatu Posoniensi existentem, que olim a felicissime recordacionis domino Bela, illustri rege Hungarie, pro notabilibus fidelitatum serviciis, omni remuneracione dignis, eidem Woch fuerat collata, cum omnibus utilitatibus et pertinenciis suis universis, pro remedio anime dicte Woch et suarum salute animarum dedissent, donassent, ac eciam vendidissent ecclesie s. Salvatoris de Posonio, ipsiusque ecclesie preposito et capitulo, pro viginti quinque talentis denariorum Wiennemium, plene eisdem ad scitum nostrum persolutis et datis, perpetuo et irrevocabiliter possidendam et tenendam. Cuius quidem terre metas, secundum tenorem privilegii quondam dicti domini Bele regis, modo infrascripto et ordine distingvi dixerunt: videlicet, quod prima meta incipit ab oriente iuxta metas Zelynch, terre eiusdem ecclesie Posoniensis, per quas procedens a parte meridionali versus occidentem, incidit in metas terre Wedered, per quas descendens incidit in metas terre Kurtwelis et

---