Chescue (sic!), nepotum suorum, ac omnium proximorum suorum cum favore, cum omnibus ab ipso nascituris, seu descendentibus, manu misisset et tradidisset perpetue libertati. Ita, quod de cetero eundem Benedictum, cum omnibus ab ipso nascituris, seu descendentibus, racione sue pristine condicionis, nullus possit et valeat penitus molestare. In cuius rei testimonium, presentes concessimus litteras, sigilli nostri munimine roboratas. Datum, in festo beati Ladislai regis, anno Domini M CCC vigesimo tercio.
Sigillum cum zona deperd. – Orig. membr. in Arch. Cap. Poson. Publ. Capsa XIV. fasc. 23. nr. 4.

62.
1323. – 28. Jun. – Carolus I. rex, transsumit et confirmat privilegium Ladislai IV. regis, super possessione Szelincs capitulo Poson., concessum.
[K]arolus, Dei gracia Ungarie, Dalmacie, Croacie, Rame, Seruie, Gallicie, Lodomerie, Cumanie, Bulgarieque rex, princeps Sallernitanus et Honoris, ac Montis sancti Angeli dominus. Omnibus Christi fidelibus, presencium noticiam habituris, salutem in omnium Salvatore. Exardescens ad hetera regalis dyadematis exuberans devocio, eo saluti sue prospicit utilius, quo a predecessoribus eius ecclesiis, ac earum usibus pia devocione collata, sue roboracionis fulcimento limpidius approbat et confirmat. Proinde ad universorum noticiam, tam presencium, quam futurorum, harum serie wolumus pervenire, quod accedens ad nostre serenitatis presenciam Thomas, custos Posoniensis ecclesie sancti Salvatoris, nomine et vice eiusdem ecclesie exibuit nobis quoddam privilegium inclite recordacionis Ladislai, regis Ungarie, predecessoris nostri, super collacione infrascripta terre, Zelench vocate, eidem ecclesie concessum, petens a nobis nomine ecclesie memorate, devota precum instancia, ut idem privilegium ratum habere, nostroque dignaremur privilegio confirmare. Cuius quidem privilegii tenor talis est:
Sequitur privil. Ladislai IV. regis anno 1280 emanatum, ex ipso orig. edit.[32] in T. II. p. 120. nr. 95.
Nos itaque iustis, devotis et legitimis eiusdem Posoniensis ecclesie peticionibus, de solite regie benignitatis gracia favorabiliter inclinati, tenorem eiusdem privilegii, per nos diligencius recensiti et attencius percunctati, non abrasum, non cancellatum, nec in aliqua sui parte viciatum, sed ab omni suspicione semotum, de verbo ad verbum presentibus insertum, acceptamus, aprobamus et ratificamus, idemque privilegium et possessionem memoratam, ipsi ecclesie Posoniensi, sub appensione sigilli nostri novi et autentici, perpetuamus et presentis scripti patrocinio, ex certa nostra sciencia, de consilio infrascriptorum prelatorum et baronum regni nostri, perpetuo confirmamus. In cuius rei memoriam et perpetuam firmitatem presentes concessimus litteras, dupplicis sigilli nostri novi et autentici, munimine roboratas. Datum, per manus discreti viri Ladizlai, prepositi Albensis, aule nostre vicecancellarii, dilecti ac fidelis nostri, quarto Kalendas Julii,[33] anno Domini M cc XX III-o, regni nostri anno similiter XXIII. Venerabilibus in Christo patribus B. Strigoniensi et fratre Ladizlao Colocensi archiepiscopis; Johanne Nitriensi, Benedicto

---

[32] 1280. 18. Aug.

[33] 1323. 28. Jun.