Posonio, nomine eiusdem ecclesie exhibuit nobis quoddam privilegium inclite recordacionis Ladizlay regis Hungarie, predecessoris nostri, per eum eidem ecclesie super terris Fleizyndorph et Zelench vocatis concessum, petens a nobis nomine ecclesie memorate, devota precum instancia, ut idem privilegium ratum habere, nostroque dignaremur privilegio confirmare. Cuius quidem privilegii tenor talis est:
Sequitur privilegium Ladislai IV. de a. 1278. Sept., T. II. p. 87. nr. 71. ex ipso orig. editum.[26]
Nos itaque iustis, devotis et legitimis eiusdem Posoniensis ecclesie peticionibus, de solite regie benignitatis gracia favorabiliter inclinati, tenorem eiusdem privilegii, per nos diligencius recensiti et attencius percunctati, non abrasum, non cancellatum, nec in aliqua sui parte viciatum, sed ab omni suspicione semotum, de verbo ad verbum presentibus insertum acceptamus, approbamus et ratificamus; idemque privilegium et possessiones memoratas, ipsi ecclesie Posoniensi, sub appensione sigilli nostri autentici novique, perpetuamus et presentis scripti patrocinio, ex certa nostra sciencia perpetuo confirmamus. In cuius rei memoriam et perpetuam firmitatem, presentes concessimus litteras, dupplicis sigilli nostri novi et autentici munimine roboratas. Datum, per manus discreti viri Ladizlay, prepositi Albensis, aule nostre vicecancellarii, dilecti ac fidelis nostri. Decimo Kalendas Maii, anno Domini M-o trecentesimo vicesimo tercio, regni quoque nostri anno similiter vicesimo tercio.[27] Venerabilibus in Christo patribus, dominis Bolezlao Strigoniensi et fratre Ladizlao Colochensi archiepiscopis; Johanne Nitriensi, Benedicto Chanadiensi, Nicolao Jauriensi, Georgio de sancto Yreneo, Ladislao Quinqueecclesiensi, fratre Petro Boznensi, Iwanka Waradiensi, Laurencio Waciensi, Andrea Transiluano, Henrico Wesprimiensi et Chanadino Agriensi, ecclesiarum episcopis, ecclesias Dei feliciter gubernantibus. Magnificis viris Philippo palatino, comite de Sceps et de Vywar, Demetrio magistro tawarnicorum nostrorum, comite Bachiensi et Trinchiniensi, Lamperto iudice curie nostre, comite Chanadiensi et Nitriensi, Thoma Woyawada Transiluano et comite de Zolnok, Nicolao bano tocius Sclauonie, comite Supruniensi, Paulo bano de Machou, comite Syrmiensi et de Wolkou et de Budrug, Mikch magistro tawarnicorum domine regine, karissime consortis nostre, comite de Sarus et de Zemplen; Deseu iudice curie eiusdem regine, Blasio magistro agazonum nostrorum, Nicolao comite Symegiensi et Nicolao comite Posoniensi, et aliis quam pluribus, regni nostri comitatus tenentibus et honores.
Fragmen sigilli e rubro, ceruleo et flavo serico pendet. – Orig. in Arch. Priv. Cap. Poson, Capsa C. fasc. 6. nro 67. Hoc autem priv. transsumit et conf. a. 1357. Ludovicus I. rex Ibidem: Capsa D. fasc. 3. nr. 33.
50.
1323. – 27. Apr. – Boleslaus, archiepiscopus Strigoniensis, literas predecessoris sui Thomae II., super Marcsamagyar adprobat, et Henricum in coetum nobilium archiepiscopalium, recipit.
Tenorem vide sub nr. 69.
[26] 1278.
[27] 1323. 22. Apr.
Első
