nostram accedentes presenciam, exhiberunt nobis litteras patentes et privilegiales, venerabilium in Christo patrum, domini Lodomerii et domini Thome, eadem gracia Strigoniensis ecclesie archyepiscoporum, quondam predecessorum nostrorum, huiusmodi tenores continentes, super libertate ipsorum confectas, petentes nos cum instancia, ut easdem ratas habere et confirmare dignaremur. Quarum quidem litterarum tenor talis est:
Sequuntur literae Lodomerii archieppi, quosdam de Karcha in numerum nobilium eccl. Strig. assumentes[24]. Vid. T. II. nr. 295. p. 298.
Item tenor seu forma litterarum confirmatoriarum, cum sigillo archyepiscopali pendenti, est talis:
Sequuntur literae Thomae II. archieppi superiores confirmantes[25]. T. II. nr. 882. p. 771.
Nos igitur, cum intersit nostra unumquemque specialiter in gremium sancte matris ecclesie venientem, nostri pastoralis officio recolligere, fovere et in suo iure paternaliter conservare, eundem Jacobum filium Johannis, cum predictis cognatis et proximis suis, ac generacione sua; Nicolaum et Laurencium nepotes Zyda de eadem Karcha, ex generacione eiusdem Mauricii; item filios Doha et generacionem eorumdem; item filios Chunch de Kezelthes; item nobiles de Dobragas, nomine generacionis ipsorum; item nobiles de Zenthgurg, et de villa Both, et de villa Bensa, ac generaciones eorumdem; et specialiter nominando cum Pynk, nepote Alus et filio suo Laurencio, ac nepote Zyda Laurencio vocato de eadem Karcha, ac universos iobagiones nostros nobiles, recolligentes et recollectos, in illa libertate ad quam per sanctos patres, quondam archyepiscopos, nostros predecessores recepti noscuntur et aggregati, – cum eciam nos ad hoc inducat demonstracio litterarum domini Andree, felicis recordacionis filii Bele, quondam regis Hungarie, privilegiales, continentes libertatem predictam eorumdem, – promittimus conservare et eorum peticioni iuste et racioni consone inclinati, litteras ipsorum cum libertate eorumdem, presentibus ratam habemus et confirmamus. In cuius rei testimonium presentes sigilli nostri appensione eisdem duximus concedendas. Datum, Posonii, feria quarta proxima post dominicam Misericordia, anno Domini M-o CCC-o XX-o tercio.
E transsumpto Joannis Kanizsai, archieppi Strigoniensis, de dat. 1394. 21. Mart. – In Archivo Primat. Secul. Lad. R. nr. 8.

49.
1323. – 22. Aprilis. – Carolus I. rex, transsumit et confirmat, privilegium Ladislai IV. regis, capitulo Posoniensi, super possessiones Flanczendorf et Szilincs, concessum.
Karolus, Dei gracia Hungarie, Dalmacie, Croacie, Rame, Seruie, Gallicie, Lodomerie, Cornanie, Bulgarieque rex, princeps Sallernitanus et Honoris, ac montis sancti Angeli dominus, omnibus Christi fidelibus presencium noticiam habituris, salutem in omnium salvatore. Exardescens ad hetera regalis dyadematis exuberans devocio, eo saluti sue prospicit utilius, quo a predecessoribus suis ecclesiis ac earum usibus, pia devocione collata, sue roboracionis fulcimento limpidius approbat et confirmat. Proinde ad universorum noticiam, tam presencium, quam futurorum harum serie volumus pervenire: quod accedens ad nostre serenitatis presenciam Thomas, custos ecclesie sapcti Salvatoris de Posonio

[24] 1294. 8. Sept.

[25] 1320. 25. Febr.