Sigillum cum zona decidit. – Orig. membran., in Arch. Cap. Poson. Publ. Capsa 9. fasc. Z. nr. 1.

124.
1325. (circa) – – Magistratus civitatis Tirnaviensis, favoribus Elisabethae reginae commendat sanctimoniales, ordinis s. Clarae in civitate Tirnav. habitantes, maxime ex eo, quod claustrum earumdem totaliter, unacum maxima parte civitatis, incineratum sit.
Ed. Cod. Andegav. T. II. p. 234.

125.
1325. – – Wroninus, plebanus Sandomiriensis, dioec. Cracov., procurator Nankeri episcopi Cracoviensis, coram Bartholomeo praeposito Csarnovaniensi, dioec. Vratislauviens., contra Boleslaum archiepiscopum Strigon., ratione iurisdictionis in Podolin, Gnezda et Lubovna et aliis, causam movet.
Ed. Monum. Polon. Med. Aevi. T. I. p. 191.

126.
1326. 11. Febr. – Capitulum Posegaense, comitem Márk, possessionem Nyirmál 50 marcis Alardo vendidisse, testatur.
Capitulum ecclesie beati Petri de Posaga, universis Christi fidelibus, presentibus pariter et futuris, presentes litteras inspecturis, salutem in Domino sempiternam. Quoniam unicum est oblivionis remedium scriptura, que calumpniis infert silencium et modum contencionis explicans, sua serie loquitur presentibus et posteris veritatem; proinde ad universorum, tam presencium quam futurorum noticiam, tenore presencium, volumus pervenire, quod comes Mark filius Benedicti, nobilis de comitatu de Posaga, pro se et pro Michaele, ac Benak filiis suis, ad nostram personaliter accedendo presenciam, confessus est oraculo vive vocis: quod quandam possessionem, Nyrmal vocatam, in comitatu Strigoniensi, inter Strigonium et Durug adiacentem, que scilicet possessio Petri dicti Lopoy fuisset et eidem Mark pro morte, seu homicidio Laurencii filii Mathye, proximi sui, per prefatum Petrum interfecti, ex collacione regia advenerat, sicut dixit, sub metis et terminis, quibus eadem possessio contineri dinoscitur, ex consensu predictorum filiorum suorum, vendidisset Alardo filio comitis Benk, proximo suo, pro quinquaginta marcis ab eodem plene, sicut retulit receptis, iure perpetuo et irrevocabiliter in heredum heredes possidendam, tenendam, pariter et habendam. In cuius rei memoriam, perpetuamque firmitatem, ad peticionem prenominati Mark, eidem Alardo, presentes concessimus litteras, pendentis sigilli nostri munimine roboratas. Datum, per manus discreti viri magistri Petri, lectoris ecclesie nostre, feria tercia post dominicam Invocavit me, anno Domini M CCC vigesimo sexto.
Sigillum integrum prelatum sedentem, dextra benedicentem, sinistra antem librum tenentem exhibens (Vide Jerney: A magyarországi káptalanok etc. Magyar Tört. Tár II. Fig. 8., ubi tamen collum prelati contortum est) e rubro et flavo serico pendet. – Orig. membran. pulchre exaralum, in Arch. Cap. Strigon. Priv. Lad. 29. fasc. 1. nro 4.