61.
1353. április 7.

A pozsonyi káptalan bizonyítja, hogy előtte a csörlei Sandur fia Miklós uszori birtokrészét egy récsei telekkel uszori Péter fia Domonkosnak és fiainak, Benedeknek és Mihálynak átengedte.

Alsó szélén kirografált hártya 360 x 70 + 18 mm, vörös-lila selyemsodraton a pozsonyi káptalan függőpecsétje. Hátlapon újkori latin nyelvű tartalmi kivonat és levéltári jelzetek. Három sor mélységű U iniciálé. Prímási lvt. Neoreg. AA. 56 (DF 261 283).

Universis Christi fidelibus tam presentibus, quam futuris presens scriptum inspecturis capitulum ecclesie Posoniensis salutem in salutis largitore. Ad universorum noticiam, tam presencium quam futurorum harum serie volumus pervenire, quod Nicolaus, filius Sandur de Churlee ad nostram personaliter adiens presenciam nobis significare curavit, quod ipse possessionariam porcionem suam totalem iure hereditario in possessione Uzur ipsum contingentem cum uno laneo seu curia in possessione Reche a parte possessionis comitis Dominici, circa rivulum seu meatum aque existentem eidem comiti Dominico, filio Petri de eadem Uzur, Benedicto et Michaelo[183], filiis suis et per eos eorum heredibus heredumque suorum successoribus perpetuo donavit, contulit possidendam, tenendam pariter et habendam. Econverso autem prenotatus Benedictus, filius Dominici sua et dicti Dominici, patris sui ac Michaelis, fratris eiusdem in personis quandam possessionariam porcionem eiusdem Nicolai, filii Sandur in ipsa possessione Churle habitam, quam idem Nicolaus ipsi Dominico, filio Petri, pater videlicet ipsius Benedicti et Michaelis mediantibus aliis litteris nostris patentibus pignori obligasset, absque recepcione aliqualis pecunie, restituit et resignavit possidendam, tenendam pariter et habendam isto modo, quod si predictus Nicolaus, filius Sandur absque heredum solacio, quod absit, decederet, tunc universe possessionarie porciones sue ubique existentes ad manus et proprietates ipsius comitis Dominici, Benedicti et Michaelis, filiorum suorum predictorum et eorum heredibus perpetue devolventur. In cuius rei memoriam perpetuamque firmitatem presentes litteras nostras privilegiales cum alphabeto intercisas eisdem concessimus apposicione pendentis sigilli nostri autentici consignatas. Datum feria secunda proxima post quindenas Passce, anno Domini millesimo cccmo lmo tercio.
A B C

[183] így az eredetiben