54.
1352. december 16. Buda

László csázmai prépost, kápolnaispán bizonyítja, hogy Szigfrid garamszentbenedeki és Dániel szentendrei bencés apátok előtte megegyeztek a közösen bírt Örs birtok használatának ügyében.

Hártya, 323 x 121 mm. Hátlapján Nagy Lajos király első középpecsétjének maradványai. Hátlapon középkorinak látszó írások: Budaewrs; de Urs possessione. Újkori latin nyelvű tartalmi összefoglaló és levéltári jelzetek. Eszt. kpt. mlt. 40-4-4 (DF 237 067).

Nos, Ladyzlaus, prepositus ecclesie Chazmensis, comes capelle et secretarius cancellarius domini Lodovici, Dei gracia regis Hungarie, memorie commendamus, quod religiosi viri, fratres Sifridus Sancti Benedicti de iuxta Gron et Daniel Sancti Andree apostoli de Wyssegrad monasteriorum abbates coram nobis pro se et pro ipsorum ecclesiarum conventibus personaliter constituti extiterunt confessi viva voce et concordi voluntate, quod quia possessionem predictorum duorum monasteriorum Sanctorum Andree apostoli et Benedicti eisdem communiter attinentem Urs vocatam in comitatu Pilisiensi habitam ex pristina et concordi parcium ordinacione et racionabili disposicione seu consensu earundem parcium communi predicti dominus Daniel abbas et conventus monasterii Sancti Andree apostoli per quatuor annos iam elapsos cum omnibus utilitatibus et pertinenciis suis possedissent, tenuissent et usi extitissent, ob hoc iam dicti dominus Daniel abbas et suus conventus eandem possessionem Urs similiter cum omnibus utilitatibus et pertinenciis suis simili modo per quatuor integros annos a modo in futurum post sese succedentes predictis domino Sifrido abbati et conventui dicti monasterii Sancti Benedicti similiter possidendam, utendam et tenendam consensissent et annuissent, consensit et annuit dictus dominus Daniel abbas coram nobis, non obstantibus quibuscumque litteris eiusdem domini Danielis abbatis, vel suo et sui conventus de Sancto Andrea nominibus ubilibet confectis super facto possessionis prenotate. Ita tamen, quod ipsis quatuor annis exnunc proxime venturis elapsis statim eadem possessio Urs similiter communi usui, proprietati et disposicioni dictorum dominorum abbatum et conventuum ipsorum monasteriorum Sanctorum Andree apostoli et Benedicti more pristino devolveretur, hoc addicientes, quod si aliqui mediantibus litteris eorundem domini Danielis abbatis et sui conventus seu nominibus ipsorum in facto dicte possessionis Urs hactenus quomodocumque et ubilibet concessis aliquo tempore intra spacia dictorum quatuor annorum affuturorum ipsos dominum Sifridum abbatem et suum conventum aliqualiter inquietare intenderent, tunc ab huiusmodi inquietacionibus ipsos dominum Sifridum abbatem et suum conventum[170] dicti dominus Daniel abbas et suus conventus suis laboribus et expensis expedire et liberare in iudicio et extra semper tenerentur, prout premissa omnia partes assumpserunt spontanee coram nobis. Datum Buda, die dominico proximo ante festum Beati Thome apostoli, anno Domini Mo ccco quinquagesimo secundo.

[170] az eredetiben: conventus