53.
1352. december 9. Buda

I. Lajos király parancslevele Perényi Miklós fia Miklós hrussói várnagyhoz, hogy a garamszentbenedeki apátság elfoglalt és elpusztított malmát azonnal adja vissza.

Hártya, 320 x 115 mm. Hátlapra nyomott királyi nagypecsét maradványai. Hátlapon középkori kézzel: Hrussow, valamint újkori latin nyelvű tartalmi kivonat és levéltári jelzetek. Eszt. kpt. mlt. 40-4-3 (DF 237 066).

Lodovicus, Dei gracia rex Hungarie, fideli suo, magistro Nicolao, filio Nicolai de Peren, castellano de Hrussou et vicecastellanis ac officialibus suis salutem et graciam. Nobis et domine regine, genitrici nostre karissime religiosus vir, frater Syfridus, abbas monasterii Sancti Benedicti de iuxta Gron in sua et conventus sui personis gravi dicit cum querela, quod vos quoddam molendinum ipsorum in fluvio Sytua habitum in possessione monasterii ipsorum Kenesech vocata existens destruxissetis et destructum anichilassetis prataque et silvas ac ceteras utilitates ad predictam possessionem eorum de iure spectantes uti non permitteretis, per quod ipsi nimium agravati desolaciones et dampna non modicas paterentur. Unde cum nos predictum monasterium in suis possessionibus et iuribus per illustres reges Hungarie, pios predecessores nostros donatis illése velimus conservare, volumus et fidelitati vestre firmo regio sub edicto precipientes mandamus, quatenus statim visis presentibus predictum molendinum ipsi monasterio Sancti Benedicti et predicto domino abbati ac suo conventui debeatis reddere et resignare pacifice, sine mora prataque et silvas cum earum utilitatibus intra metas pretacti monasterii existentes abbati eiusdem monasterii et suo conventui ac ad ipsos pertinentibus uti permittatis contradiccione qualibet non obstante, aliud obtentu nostre gratie non ffacturi, presentes autem reddi volumus et mandamus presentanti. Datum Buda, dominico die proximo post festum Concepcionis Virginis Gloriose, anno Domini millesimo cccmo quinquagesimo secundo.