habeant facultatem presencium patrocinio mediante. Igitur vobis, comitibus vel vicecomitibus dicti comitatus de Lipthovia nunc et pro tempore constitutis in futurumque constituendis, quibus presentes ostenduntur firmo regio sub edicto precipiendo mandamus, quatenus eosdem nobiles et iobagiones nostros regales super facto predicte plebanie nullatenus molestare, nec aliqualiter vos in eiusdem factum et ordinacionem quovis temporis in curriculo intromittere presumpmatis. Aliud non facturi. Datum Buda, in octavis festi Beati Martini confessoris, anno Domini Mmo cccmo lmo secundo.

52.
1352. december 8. Buda

I. Lajos király megparancsolja Szobonya fia László saskői várnagynak, hogy Szigfrid garamszentbenedeki apát mindszenti, apáti és lehotkai jobbágyait ne akadályozza a monostori birtokok határain belül a halászatban, erdőhasználatban és vadászatban.

Hártya, 311 x 96 mm. Hátlapon a királyi kettőspecsét nyoma. A hátlap bal szélén keresztben középkori kéztől: Ista littera est ad Saaskw; utána más kéztől: Protestacio contra Saaskeövienses abbatis S. Benedicti de metis abstractis; valamint levéltári jelzet. Eszt. kpt. mlt. 7-5-3 (DF 235 954).

Lodovicus, Dei gracia rex Hungarie fidelibus suis, Ladizlao, filio Zobonya, castellano de Saskw et vicecastellanis ac officialibus suis salutem et graciam. Nobis et domine regine, genitrici nostre karissime religiosus vir, frater Sefridus, abbas monasterii Sancti Benedicti de iuxta Goron in sua et conventus sui personis gravi dicit cum querela, quod vos iobagiones ipsorum de Mendzent et Apaty ac de Ilhota in districtu de Susul existentes a piscaturis, silvis et venacionibus intra metas predictarum possessionum eorum faciendis prohibentes inpediretis et ceteras utilitates ad predictas eorum possessiones de iure spectantes uti non permitteretis iobagionibus eorum prenotatis, per quod ipsi nimium agravati desolaciones, dampna non modica paterentur. Unde cum nos monasterium Sancti Benedicti prenotatum in suis possessionibus et iuribus per illustres reges Hungarie, pios predecessores nostros salubriter donatis illese velimus conservare, volumus et fidelitati vestre firmo edicto regio precipiendo mandamus, quatenus iobagiones predicti domini abbatis et sui conventus ab aliquibus negociis ipsorum intra metas et terminos predictarum possessionum eorundem peragendis in aliquo non presumpmatis molestando prohibere, ne idem dominus abbas super premissis nobis amplius contra vos conqueri compellatur, aliud igitur facere in premissis non ausuri, presentes autem reddi volumus presentanti. Datum Buda, in festo Concepcionis Beate Virginis, anno Domini Mo cccmo lmo secundo.