potenter ipsum tributum ab eisdem iuxta formam privilegii prenotati. Volumus eciam, ut si[538] predicti fideles cives et hospites nostri predictas viginti marcas annis singulis statuto termino persolverint, extunc nullatenus[539] in terris vel in aquis occasione predicti tributi fori per ipsum capitulum, prepositum et sanctimoniales de insula prenotata valeant impediri. Insuper matura deliberacione committimus, ut alios forenses extraneos cum eorum rebus mercimonialibus ad ipsum forum venire volentes iidem cives et hospites non audeant prohibere, ne per hoc tributum predicti capituli minuatur. Sed tributariis eiusdem capituli quoad exigendum predictum tributum a forensibus extraneis proveniens iidem iudex et iurati eorum auxilio et iuvamine assistere teneantur. Volumus insuper, ut si aliqui ex civibus prenotatis res mercimoniales ad ipsum forum importaverint predictique capitulum, prepositus et sanctimoniales de eo, utrum eedem res extraneorum hominum existant et sub nomine alicuius civis Strigoniensis ad ipsum forum introducte habeantur, necne, suspicionem habuerint, et tandem usque crastinum hoc, ut eedem res aliorum extraneorum hominum existant et sub nomine predicti civis dolose introducte habeantur[540], evidenti testimonio legitime poterunt comprobare, extunc huiusmodi res denegate per ipsum capitulum, prepositum et sanctimoniales cum subsidio iudicis et iuratorum eiusdem civitatis auferantur et in tres partes coequales[541] dividantur, quarum due partes in ius ipsorum capituli, prepositi et sanctimonialium devolvantur[542], terciam vero partem earundem iudex et iurati Strigonienses habeant supradicti. Quod si iamdicti capitulum, prepositus et sanctimoniales easdem res, de quibus suspicio habetur aliorum hominum extraneorum fuisse, non possent infra diem crastinum comprobare, extunc talis civis, apud quem dicte res suspecte haberentur, se mediante suo iuramento super ipsa suspicione debeat expedire. Item statuentes committimus, ut universe controversie dissensiones et litis materia susscitata et usque ad hec tempora inter partes prenotatas super facto ipsius tributi fori ventilata sopita[543] habeantur omnino et sedata. Quaslibet eciam litteras causales et expensas per partes contra sese super facto ipsius tributi fori usque huc[544] factas et emanari procuratas cassas, vanas et viribus per omnia fore commisimus et committimus carituras. Ut igitur presentis nostre disposicionis et ordinacionis series robur[545] optineat[546] perpetue firmitatis, nec successu temporum valeat per quospiam in irritum revocari, sed salva semper et inconcussa permaneat, presentes[547] concessimus litteras nostras privilegiales duplicis et autentici sigilli nostri munimine roboratas. Datum per manus venerabilis in Christo patris et domini, domini Nicolai, Dei et apostolica gracia archiepiscopi Colocensis, aule nostre cancellarii, dilecti et fidelis nostri, anno Domini Mo cccmo quinquagesimo septimo, XIIII[548] Kalendas mensis Septembris, regni autem nostri anno sedecimo. Venerabilibus in Christo patribus et dominis, domino Nicolao Strigoniensis, locique eiusdem comite perpetuo, Wgulino Spalatensis archiepiscopis, Nicolao Agriensis, Demetrio Waradyensis, Nicolao Quinqueecclesiensis, Dominico Transilvano, Colomano Iauriensis, Iohanne Wesprimyensis, Thoma Chanadyensis, Mychaele Wacyensis, Stephano Zagrabyensis, Petro Boznensis[549], fratribus Thoma Sirimyensis, Stephano Nytriensis et Blasio Tynynensis[550] ecclesyarum episcopis ecclesyas Dei feliciter gubernantibus. Magnificis viris, Nicolao Konth, palatino et iudice Comanorum, Andrea woyvoda Transilvano, Cyko[551] magistro thavarnicorum[552] nostrorum, comite Nicolao de

[538] 1468 elhagyja

[539] az eredetiben és 1358: nullas, 1468: nullus

[540] az eredetiben: habeatur

[541] 1358: quoequales

[542] 1358: devolvatur

[543] az eredetiben: supita

[544] 1468 előtte kivakarva: ad

[545] az eredetiben: robor

[546] 1468: obtineat

[547] az eredetiben: persentes

[548] 1358, 1468: anno Domini Mo ccco Lmo septimo, quartodecimo

[549] 1486: Bosnensis

[550] 1358: Thininyensis, 1468: Tininiensis

[551] 1358, 1468: Chyko

[552] 1468: tevernicorum