cutem boum[507], quos occidunt, solvunt. Item si aliquis centum cutes emptas sive in curru seu[508] navigio de Strigonio transferat, dat unciám, tantundem datur de pellibus caprinis et ovinis. Item de una masa cere, que continet ducentas et[509] viginti marcas in pondere, viginti frisatici[510] dantur, sive quatuor pondera. Item de centum zoanis salium, de quocumque locorum quomodocumque in Strigonium deferantur, unum sal dant. Item si carine[511] de partibus inferioribus ascendant continentes cutes boum[512], de centum cutibus solvitur una uncia. Item de singulis navibus victualium de Snaragdo datur unus frisaticus. Item mercatores, qui in loco fori sunt cum suis tentoriis, singuli solvunt in omni sabbato unum frisaticum, similiter sutores de qualibet sessione sabbato unum frisaticum. Item de singulis curribus transeuntibus cum suis mercimoniis ad confinium solvitur iustum tributum, similiter et[513] de magnis bobus, si pellantur extra forum vel in curru ad confinium, de quolibet bove emptor dat duos frisaticos. Item de curribus cum mercimoniis transeuntibus de Musunio in Pesth[514] vel de Pesth[515] in Musunium, qui non intrant civitatem Strigoniensem, in villa Tath[516] integrum solvitur tributum. Item venditores vestium antiquarum, pileorum[517], cirothecarum[518] et cerdones quolibet sabbato dant unum frisaticum. Item venditor servorum et ancillarum dat quadraginta[519] denarios[520], item[521] de singulis oneribus[522] cumulorum, que bitel[523] vocantur[524] et de zemerche, solvitur unus frisaticus[525]. Item quicumque pannos vel alias res venales sive intra sive extra regnum emptas Strigonium attulerit, consuetum tributum capitulo Strigoniensi exinde solvere teneatur.
Huiusmodi itaque tributi exaccionem sub tali moderamine disposuimus et commisimus exercendam ac per eosdem cives et hospites universos Strigonienses perpetue persolvendam, ut iidem fideles cives et hospites nostri Strigonienses totaque eorum[526] posteritas pro omnimoda satisfaccione ipsius tributi fori capitulo, preposito ac[527] sanctimonialibus antedictis singulis annis viginti marcas Budenses in termino inferius expresso solummodo pro parte ipsorum et non pro aliis extraneis hominibus forensibus semper dare et persolvere teneantur. Cuius quidem solucionis primus terminus in festo Beati Mychaelis[528] archangeli in secunda revolucione annuali ab emanacione presencium affuturo inchoari[529] et tandem omni anno in ipso festo dicta solucio viginti marcarum pro ipso tributo fori per eosdem debeat exerceri. Tali vinculo mediante, ut quandocumque predicti cives et hospites Strigonienses iamdictas viginti marcas in festo Beati Mychaelis[530] archangeli[531] prenotato persolvere non curarent, extunc in quindenis eiusdem festi predictas viginti marcas cum gravamine dupli capitulo, preposito et sanctimonialibus sepedictis persolvere teneantur[532]. Quod si in dictis quindenis ipsius festi easdem viginti marcas et duplum earundem, in toto videlicet quadraginta[533] marcas non persolverent, extunc easdem quadraginta[534] marcas in quindenis quindenarum eiusdem festi cum pena dupli, videlicet octoginta marcas persolvere teneantur iudex, iurati totaque universitas civitatis prenotate[535]. Si vero predictam solucionem octoginta marcarum ulterius prorogarent vel differrent, extunc capitulum, prepositus et sanctimoniales supradicti absque strepitu et figura cuiuslibet iudicii[536] propria eorum facultate in dominium et possessionem predicti tributi iuxta limites in privilegialibus litteris predicti domini Ladislai regis expressos[537] valeant atque possint introire habeantque liberam facultatem exigendi potenter

[507] 1358: bovum

[508] 1358: sive

[509] 1358, 1468 elhagyják

[510] 1468: frisatica

[511] 1358: karine

[512] 1358: bovum

[513] 1468 elhagyja

[514] 1358: Pest

[515] 1358: Pest

[516] 1468: Tat

[517] az eredetiben: pelleorum, 1358: pilleorum, 1468 helyesen

[518] 1358: cirotecarum, 1468: cirothecacarum

[519] 1358: quatraginta

[520] 1468 hozzáteszi: usuales

[521] 1468 elhagyja

[522] 1358: honeribus, 1468: honibus

[523] 1358, 1468: bytel

[524] 1358: vocatur

[525] az eredetiben és 1358: unum frisaticum, ezen a helyen a Mon. Str. szövege megszakad

[526] 1468 elhagyja

[527] 1468: et

[528] 1468: Michaelis

[529] 1468: inchoati

[530] 1468: Michaelis

[531] 1468 elhagyja

[532] 1468: teneatur

[533] 1358: quatraginta

[534] 1358, 1468: quatraginta

[535] 1468 hozzáadja: Strigoniensis

[536] az eredetiben és 1358: iudici

[537] az eredetiben, 1358, 1468 egyaránt attractio: expressis