respiciunt et attollunt, quia honor sublimitatis regalis tanto excellencius superne illustracionis lumine decoratur, quanto devocius et fervencius domum oracionis Domini ab omni inquietacione expeditam curaverit extollere antidotum pacis et quietis eidem preparando. Proinde universorum noticie presencium serie declaramus, quod fideles et devoti nostri, capitulum videlicet ecclesie Strigoniensis, necnon prepositus ecclesie Sancti Thome de Strigonio et religiose domine, sanctimoniales de insula Strigoniensi missis ad nos magistro Petro Neugradyensi, vicario domini archiepiscopi Strigoniensis, Corardo[464] Nitriensi, Mathia Kamarinyensi[465], Nicolao Hunthensi archidiaconis, necnon Tristiano[466] et Stephano Trottul[467], canonicis ecclesie Strigoniensis prenotate nunciis et legitimis procuratoribus eorum nobis dolorose ac vocibus intimarunt querulosis[468], quod iudex, iurati et universitas civium ac hospitum civitatis Strigoniensis tributum fori civitatis predicte ab illustribus regibus Hungarie, piis predecessoribus nostris eis donatum et concessum per tredecim annorum curricula eidem capitulo propria temeritate solvere non curassent et super eadem donacione mox privilegia Emerici, Endre, Bele tercii et Bele quarti ac Ladislai regum Hungarie inclitorum nobis demonstrarunt, suplicantes nostre maiestati ipsis super singulis premissorum ex parte eorundem satisfaccionem iuridicam exhiberi et impendi. Nos igitur eorundem capituli, prepositi et sanctimonialium Strigoniensium frequentissimis et diutinis propulsati querelis predictisque privilegiis eorundem visis et perlectis iuratos et cives Strigonienses prenotatos ad nostram presenciam fecimus evocari[469], qui super eo, cur dictum tributum ex parte ipsorum et rerum suarum mercimonialium proveniens ipsi capitulo solvere non curarent, per nos requisiti taliter responderunt, quod dominus Bela rex ipsos a solucione tributorum intra metas regni sui exigendorum eximisset, super qua exempcione privilegium ipsius domini Bele regis nobis presentarunt. Visis itaque tenoribus eiusdem privilegii et diligenter quoad singula membra[470] pernotatis et perlectis, quia donaciones predictorum regum in facto ipsius tributi fori facte litteras dicti domini Bele regis exemptorias precedebant posterioresque donaciones prioribus iuxta antiquam regni nostri consuetudinem non poterant preiudicium aliquid[471] generare, ob hoc vigore ipsius privilegii se a solucione dicti tributi fore exemptos non valebant, nec poterant comprobare. Cum igitur nos ipsos cives ad solvendum predictum tributum dicto capitulo iuxta formam privilegii ipsius domini Ladislai regis modo consueto regia auctoritate[472] compellere voluissemus, predictosque capitulum, prepositum et sanctimoniales Strigonienses in corporalem possessionem eiusdem tributi introduci commisissemus. Tandem iidem iudex, iurati et cives Strigonienses prenotati humiliter nobis conquerebantur in eo, quod solucio dicti tributi iuxta formam predicti privilegii facienda eis multum esset onerosa[473], nec exaccio huiusmodi tributi sine maxima rixa et contencione, immo nec absque hominum interempcione et nece posset decenter exerceri inter ipsos, postulantes exinde a nobis ipsis provideri de remedio oportuno. Nos itaque dictos fideles cives et hospites nostros Strigonienses in facto solucionis ipsius tributi fori Strigoniensis lenitate regalis munificencie alleviare cupientes, ut per hoc subditorum quies prepararetur et tam predictum capitulum, prepositus et sanctimoniales de insula Strigoniensi, quam eciam ipsi fideles cives nostri Strigonienses in[474] pulcritudine pacis sedeant et tranquillitate quietis pociantur, unacum serenissima principissa, domina Elizabeth[475], inclita regina

[464] az eredetiben: Corardum, az átiratokban helyesen

[465] 1358: Camariensi, 1468: Comariensi

[466] 1468: Treutul

[467] 1358: Cristianus

[468] az eredetiben: querolosis, az átiratokban helyesen

[469] az eredetiben: evocati, az átiratokban helyesen

[470] az eredetiben és 1468: menbra

[471] 1468: aliquod

[472] az eredetiben: actoritate, az átiratokban helyesen

[473] 1358: honerosa

[474] 1468 elhagyja

[475] 1358: Elyzabet