137.
1357. április 29. Buda

I. Lajos király a Trencsén vármegyei Krasznó királyi birtokot összes tartozékaival érdemeire tekintettel János fia Macska (dictus) Domonkos, erdélyi alvajdának, s általa Ivánka testvérének adományozza.

Alsó szélén kirografált, jobb szélén alul sérült hártya, 323 x 72 + 20 mm. Drapp színű selyemsodratú zsinóron a pozsonyi káptalan pecsétje. Eszt. kpt. olt. 34-3-22 , KML 429 (DF 208 867).

Nos, Lodovicus, Dei gracia rex Hungarie memorie commendantes tenore presencium significamus, quibus expedit, universis, quod magister Dominicus dictus Machka, filius Iohannis vycevoyvoda noster Transilvanus, dilectus et fidelis nostre maiestatis presenciam agrediendo suasque fidelitates ac serviciorum suorum menta nobis in cunctis et regni nostri negociis prosperis et adversis diversimode exhibitas et inpensa proponendo et declarando quandam terram seu possessionem nostram regalem Crazna vocatam in confiniis regni Polonie, in comitatu Trinchiniensi iuxta fluvium Kysse vocatum existentem sub terminis infrascriptis a nobis sibi et Ivanka, fratri suo uterino perpetuo dari et conferri postulavit. Nos itaque fidelissimis obsequiosis meritis dicti magistri Dominici, quibus ipse in diversis nostris et regni nostri negociis et agendis, specialiter cum magnifico viro, Andrea, filio Lachk, tunc comite Syculorum, nunc voyvoda Transilvano, domino suo contra Tartaros et Rutenos et tandem nobis in partibus transmarinis pro vindicta acerbe mortis quondam domini, Ierusalem et Sycilie regis resumpmenda accedentibus nobiscum proficisscens ensiferque noster inibi deputatus sine intermissione lateri nostro assistens ac letali vulnere sauciatus propriique sanguinis sui effusione madidatus et aliis plerisque serviciis fidelibus exhibitis meruit complacere nostre maiestati, pro quibus licet multo plura antidotum premia meretur, in aliqualem tamen recompensacionem suorum serviciorum et fidelitatum innumerabilium predictam terram seu possessionem nostram Krazna vocatam, in comitatu Trinchiniensi iuxta fluvium Kysse existentem cum terris et silvis ac aliis omnibus suis utilitatibus, a capite videlicet dicti fluvii Kysse usque situm dicte terre seu ville Crazna et abhinc ad partem civitatis nostre Uyvaras nuncupate ad medium miliare ex duabusque partibus collateralibus ipsius fluvii ad duo miliaria in eisdem silvis et terris se protelantem et extendentem eidem magistro Dominico dicto Machka, filio Iohannis, vicevoyvode nostro Transilvano et per eum dicto Ivanka, fratri suo uterino ac ipsorum heredibus heredumque suorum successoribus nove donacionis nostre titulo dedimus, donavimus et contulimus, ymo damus et conferimus ac eisdem in perpetuam hereditatem asscribimus testimonio presencium mediante eo iure, quo ad nostram collacionem pertinere dinosscitur perpetuo et irrevocabiliter possidendam, tenendam pariter et habendam, salvis iuribus alienis. Presentes autem in formam nostri privilegii redigi faciemus, dum nobis fuerint reportate. Datum Buda, in festo Beati Petri martiris, anno Domini Mo ccco lmo septimo.