130.
1357. február 6.

Az esztergomi káptalan bizonyítja, hogy a Hont vármegyei Orzsány birtokot a káptalani tanúbizonyság és a salgói várnagy jelenlétében béli Péter fia Miklós királyi ember királyi újadomany jogcímén iktatta András fia Miklósnak.

Szakadt, restaurált hártya, 320 x 162 mm. Függőpecsét kiszakadt helye. Három sor mélységű nagy N kezdőbetű. Hátlapon újkori latin nyelvű tartalmi kivonat és levéltári jelzetek. Eszt. kpt. olt. 70-2-9, KML 655 (= DF 209 088). Átírta a budai káptalan 1469. április 15-én: Eszt. kpt. olt. 70-2-5, KML 651 (DF 209 084).

Nos, capitulum ecclesie Strigoniensis tenore presencium significamus, quibus expedit, universis, quod cum nos ad mandatum litteratorium excellentissimi principis, domini Lodovici, Dei gracia regis Hungarie unacum Nicolao, filio Petri de Byl homine eiusdem dicti domini nostri regis Luchasium presbiterum, ecclesie nostre prebendarium, hominem nostrum pro testimonio ad infrascripta fideliter exsequenda transmisissemus. Tandem iidem regius et noster homines ad nos reversi concorditer nobis in hunc modum retulerunt, quod ipsi feria quinta proxima post festum Conversionis Beati Pauli apostoli proxime preteritum ad faciem porcionis possessionarie Arsan vocate, in comitatu Hunthensi habite, que Pauli, filii Bank fuisset et sine herede decessisset masculino[443], vicinis et commetaneis eiusdem universis et convocatis ipsis et castellano de Salgo presentibus accessissent eandemque per antiquas suas metas reambulatam cum universis suis utilitatibus et pertinenciis sub eisdem metis antiquis nullo contradicente Nicolao, filio Andree iure nove donacionis prefati domini regis et per eum filiis et heredibus ac posteritatibus suis statuissent perpetuo possidendam, tenendam pariter et habendam. In cuius rei memoriam perpetuamque firmitatem presentes litteras nostras privilegiales nostri sigilli pendentis[444] duximus concedendas, quarum quidem tenorem de verbo ad verbum, nil addendo nilque diminuendo ad nostrum registrum rescribi faciendo in sacristia seu conservatorio dicte nostre ecclesie fecimus reponi perpetuo conservandum. Datum per manus magistri Valentini, lectoris ecclesie nostre, feria quarta proxima ante festum Purificacionis Marie Virginis, anno Domini Mo cccmo lmo septimo.

[443] utána alul kipontozva: presentibus

[444] a kiegészített szöveg tollban maradt (az átírásban is)