Nativitatis Beati Iohannis Baptiste tunc proxime affuturas[294] iuxta continencias quamplurium litterarum prefati comitis Nicolai Drugeth protelate extitissent, denique ipsis octavis festi Nativitatis Beati Iohannis Baptiste occurrentibus medioque tempore pretacto comite Nicolao Drugeth nutu divine pietatis interveniente, cui humane inbecillitatis[295] racio resistere non novit, universe carnis debitum exsolvente suique honoris culmine divina favente clemencia per prelibatum dominum nostrum regem in nostram personam transscendente magister Iohannes, filius Beke, canonicus predicte ecclesie Strigoniensis pro ipso capitulo Strigoniensi cum procuratoriis litteris eiusdem capituli iuxta continenciam litterarum predicti comitis Nicolai Drugeth ad nostram iudiciariam veniendo presenciam contra eosdem Iohannem et Nicolaum, filios eiusdem magistri Stephani dicti Saphar in figura nostri iudicii quasdam litteras supradicti conventus de Saagh feria quarta proxima post dominicam Ramispalmarum tunc proxime preteritam[296] emanatas, formam possessionarie recaptivacionis statucionis et contradictorie inhibicionis eiusdem in se continentes, asserens accionem et proposicionem predicti capituli in eisdem explicari, nobis presentarat. In quibus inter cetera videramus contineri, quod cum idem capitulum accepto Marko, filio Ladislai de Arwa, homine regio et testimonio prefati conventus de Saagh sabbato proximo ante predictam dominicam Ramispalmarum[297] ad faciem possessionis Nyr vocate in comitatu Strigoniensi existentis, vicinis et commetaneis eiusdem legitime convocatis et presentibus accessissent eandemque ipsum capitulum Strigoniense eo iure, quo ad ipsum dinossceretur pertinere, sibi statui facere voluisset, quidam famuli Iohannis et Nicolai, filiorum Stephani dicti Saphar et specialiter Stephanus in persona dictorum dominorum suorum statucioni sepefate possessionis Nyr contradiccionis velamine obviasset, cuius contradiccionis racionem idem capitulum scire voluerat a Iohanne et Nicolao, filiis Stephani dicti Saphar prenotatis. Quibus auditis et perceptis Iohannes Rufus pro eisdem Iohanne et Nicolao cum procuratoriis litteris comitis capelle regie exsurgendo[298] responderat tali modo, quod predicta possessio Nyr vocata ipsis Iohanni et Nicolao, filiis Stephani dicti Saphar efficacissimorum instrumentorum vigoribus pertineret, que instrumenta eorum in termino ulteriori per nos ipsis legitime assignando possent exhibere. Unde nos auditis parcium proposicionibus unacum baronibus et regni nobilibus nobiscum in iudicio sedentibus commiseramus iudicando, quod prefati Iohannes et Nicolaus, filii Stephani dicti Saphar universa eorum instrumenta, si qua in facto dicte possessionis haberent confecta, contra idem capitulum ecclesie Strigoniensis similiter instrumenta sua, si qua haberent, producere debens in octavis festi Beati Michaelis archangeli tunc venturis[299] exhibere tenerentur coram nobis, quibus visis iudicium et iusticiam facere valeremus inter partes, prout dictaret ordo iuris. Cumque premissa discussio et eedem instrumentales exhibiciones ab eisdem octavis festi Beati Michaelis archangeli ad octavas festi Beati Andree apostoli[300] et dehinc ad quindenas festi Epiphaniarum Domini[301], abhinc autem ad quindenas Diei cynerum[302] sine crastinacione tunc proxime post se se consequenter affuturas prorogate extitissent, ipsis igitur quindenis Diei cynerum occurrentibus, nobis unacum venerabilibus in Christo patribus, dominis Nicolao archyepiscopo Strigoniensi locique eiusdem comite perpetuo, Nicolao Zagrabiensis, aule regie vicecancellario ac Thoma Chanadiensis ecclesiarum episcopis, discretis viris, Ladislao,

[294] 1355. július 1.

[295] az átírásban: inbecillatis

[296] 1355. április 1.

[297] 1355. március 28.

[298] az átírásban: exurgendo

[299] 1355. október 6.

[300] 1355. dcember 7.

[301] 1356. január 20.

[302] 1356. március 23.