confirmantes, eandem terram Zuhna una cum omnibus suis iuribus, utilitatibus et pertinentiis suis, in quantum ad nos spectat vel nostram respiceret quomodocunque collationem, de nostra celsitudine ex nunc damus et confirmamus saepedictae ecclesiae Varadiensi in perpetuum possidendam. In cuius rei memoriam perpetuamque firmitatem praesentes concessimus literas duplicis sigilli nostri novi et authentici munimine roboratas. Datum per manus discreti viri, magistri Andreae, praepositi ecclesiae Albensis, aulae nostrae vicecancellarii, dilecti et fidelis nostri, anno Domini millesimo trecentesimo vicesimo sexto secundo Idus Octobris, regni autem nostri anno similiter vicesimo sexto. Venerabilibus in Christo patribus, dominis Boleslao Strigoniensis et fratre Ladislao Colocensis archiepiscopis, Ioanne Nitriensis, Benedicto Csanadiensis, Nicolao Iauriensis, Georgio Sirmiensis, Petro Bosnensis, Ladislao Quinqueecclesiensis, Ivanka praedictae ecclesiae Varadiensis, Henrico Veszprimiensis, aulae dominae reginae, karissimae consortis nostrae cancellario, Andrea Transylvano et Csanadino Agriensis ecclesiarum episcopis ecclesias Dei feliciter gubernantibus. Magcis viris, Philippo palatino, comite de Scepus et de Ujvar, iudice Cumanorum, comite Alexandro, iudice curiae nostrae, Thoma, vaivoda Transylvano, comite de Zonuk, Michaele bano totius Sclavoniae, comite Simigiensi, Paulo, bano de Macsow, comite Sirmiensi, de Valkow et de Bodrog, Stephano magistro agasonum nostrorum, Dionisio[245] magistro dapiferorum nostrorum, Nicolao comite Posoniensi ac aliis quam pluribus comitatus regni nostri tenentibus et honores.
Nos igitur eiusdem venerabilis patris, domini episcopi multiplicia servitiorum et obsequiorum genera, quae idem in diversis nostris legationibus ad partes Ultramarinas, cum adhuc in minori esset constitutus officio, et dum recolendae memoriae dominus rex Andreas, frater noster charissimus in partibus Apuliae moraretur, ac demum post adeptum pontificale officium ad Alexandrum Bozorabi vaivodam nostrum Transalpinum occasione pacis et concordiae inter nos et eundem tractandum disponendae et confirmandae pluries proficiscendo affectione sedula studuit exhibere et exhibet in omnibus nostris negotiis, quae occurrunt successive, equo libramine ponderantes, cum in praedictorum suorum servitiorum aliqualem recompensam, tum etiam ob devotionem, quam ad Beatissimum regem Ladislaum, progenitorem nostrum, cui ecclesiae idem praeest episcopus, et in qua ipsius sacrae reliquiae requiescunt, gerimus specialem petitionein[246] ipsius de consensu praelatorum ac baronum regni nostri tanquam iustam duximus admittendam literasque privilegiales antedictas non abrasas, non cancellatas, nec in aliqua sui parte vitiatas diligenti praemissa inquisitione reperientes praesentibusque literis nostri privilegialibus inseri facientes ratificavimus, aprobamus et presentium testimonio literarum confirmamus. In cuius rei memoriam firmitatemque perpetuam praesentes concessimus literas nostras privilegiales duplicis et authentici sigilli nostri munimine roboratas. Datum per manus venerabilis in Christo patris, Nicolai, episcopi Zagrabiensis, aulae nostrae vicecancellarii, dilecti et fidelis nostri, anno Domini millesimo trecentesimo quinquagesimo quinto, duodecimo Kalendas Martii, regni autem nostri anno quartodecimo. Venerabilibus in Christo patribus et dominis, Nicolao Strigoniensis et fratre Dionysio Colocensis et Dominico Spalatensis archiepiscopis, Nicolao Agriensis, eodem Demetrio Varadiensis, Andrea

[245] a szövegben hibásan: Diosino

[246] a szövegben hibásan: petitioni