Universis Christi fidelibus, tam presentibus quam futuris, presens scriptum inspecturis, Colomanus prepositus, et capitulum ecclesie Strigoniensis, salutem in salutis largitore. Ad universorum noticiam [te]nor[e] presencium volumus pervenire: quod cum iuxta continenciam litterarum privilegialium magnifici viri comitis Pauli, iudicis curie domini nostri regis Karoli, seriem concambii quarumdam possessionum Somkut, Rususna, item Vamus et Olsonpanyth vocatarum, et ad easdem spectancium, in comitatibus Borsudyensi et Gumuriensi existencium, demonstrancium et significancium, quas nobis Johannes, filius Petri de Rvday, serviens et procurator comitis Alexandri, filii Chelen, ac Johannis, Nicolai archydiaconi et Jacobi, filiorum eiusdem Alexandri, in specie procuravit demonstrare; Nicolaus, Ladislaus, Johannes et Petrus, iilii Benedicti, filii Detricy Calui; Stephanus, Georgius, Dominicus et Nicolaus, filii Dominici dicti Bubek, ac Jacobus, filius eiusdem Nicolai magistri, nobiles de Chytnuk et de Pleseuch, vel propriis eorum in personis, aut per procuratores eorumdem legitimos, cum sufficientibus litteris procuratoriis ad hoc deputatis, in quindenis Passce Domini, coram nobis comparere et totalem composicionem,[251] ordinacionem, ipsarumque possessionum permutacionem vatum (?) profileri, et litteras privilegiales, in facto premisse totalis composicionis eisdem Alexandro et filiis suis, eorumque heredibus emanari facere, sub obligacionibus et condicionibus infra declarandis debuissent; tandem ipsis quindenis Passce Domini occurrentibus, prealiegatis Ladislao, filio Benedicti, Stephano et Dominico, filiis Dominici, ac Jacobo, filio ipsius Nicolai magistris, personaliter et pro ipsis magistro Nicolao, eodem magistro Ladislao, cum litteris procuratoriis magistri Petri prepositi Bachyensis, comitis capelle eiusdem domini regis; item Johanne et Petro, filiis dicti Benedicti, Mychaele Paruo de Chollou, cum litteris procuratoriis honorabilis capituli Budensis ecclesie; item pro dicto Georgio magistro, Stephano fratre suo, cum litteris procuratoriis capituli Agriensis ecclesie; pro annotato Nicolao, filio ipsius Dominici, comite Andrea, filio Johannis filii Barakon, similiter cum litteris procuratoriis predicti capituli Agriensis ex una; – parte vero ex altera Johanne, filio Petri de Rwda, ac altero Johanne, filio Petri, servientibus et procuratoribus prescriptorum comitis Alexandri et filiorum suorum, cum litteris procuratoriis domine nostre Elysabet, Dei gracia regine Hungarie, pro eisdem dominis suis, coram nobis constitutis, ministerio vive vocis propositum extitit per eosdem concorditer, coram nobis, et relatum: quod licet ex causis diversis, que inter eosdem filios Benedicti et Dominici, ac comitem Alexandrum et filios eiusdem contigissent hucusque, et specialiter super facto dictarum possessionum Somkuth et Rususna, lis et contencio mota fuisset et exorta, et racione quarum usque ad hec tempora, coram eodem comite Paulo, iudice curie regie, in lite processissent: tamen, ut omnis rancoris disscensionis, ire, invidie et odii fomes de medio ipsorum radicibus evulsis sopiretur, et eterno pacis favore, ac sincere et preclare dileccionis oblectamine, utpote pacis alumpni, corda reconciliantes turbata, valerent se mutua vicissitudine amplexari, propter bonum pacis et concordie unionem, interveniente ordinacione et amicabili composicione proborum virorum nobilium, specialiterque per ordinacionem wenerabilium in Christo patrum, domini Chanadini, Dei et apostolica gracia archyepiscopi Strigoniensis, locique eiusdem comitis perpetui; fratris Pauli episcopi de Alba Nandur; honorabilium virorum Petris Bachiensis, comitis capelle et secretarii

[251] 1336. 14. Apr.