secretarii cancellarii domini regis; Gregorii Chasmensis, Briccii Jauriensis ecclesiarum prepositorum; Nicolai ecclesie beati Nicolai de Alba Regali, Thome magistri hospitalis et rectoris ecclesie sancti Bartholomei de Quinqueecclesiis; magnificorum virorum Thome woyuode Transiluani, comitis de Zonuk et Neugradyensis; Demetrii magistri thawarnicorum domini regis, comitis Trinchyniensis et Byhoriensis; Pauli magistri thawarnicorum domine regine; Nicolai bani de Machou, comitis Syrmiensis, Budrugiensis et de Wolkow et de Baranya; Dominici, filii Osl, comitis Wesprimiensis; Johannis, filii Briccii, comitis Zathmaryensis; Cykow castellani de Feyrkw; Nicolai de Puruen; Laurencii dicti Touth castellani de Scempthey, ac aliorum quam plurimorum regni nobilium, regie serenitatis nutu, taliter inter se concordassent et concordarunt, coram nobis: Quod, quia predicte possessiones Somkuth et Rususna, intra metas cuiusdam privilegii gloriosi principis Bele, quondam incliti regis Hungarie, recolende memorie, aurea bulla consignati, quod iidem filii Benedicti, filii Detricy, et filii Dominici, penes se habere dinoscuntur adiacerent; et inter easdem, ac possessiones eorumdem filiorum Dominici et filiorum Benedicti nullius alterius aliquod possessionarium ius existeret et ex eo, ne ampliora maleficia, ut ex nunc acta sunt, licet non modica existant, inter ipsos et eorum posteros possent generari; et eciam eedem possessiones ipsis filiis Benedicti et filiis Dominici satis utiles esse dinosscerentur, ideo huiusmodi malis supervenire queuntibus, sedacionem perpetuam, bonisque artibus perseveranciam durabilem, animo desiderabili invenire cupientes; pretactus Alexander et filii sui prenotati, easdem possessiones Somkuth et Rususna, sub metis infra declarandis, in privilegio Bele regis contentis, ac erga eosdem Alexandrum et filios suos, ut dixerunt, habito mero iure, nomine possessionum Feliciani, filii Zaah, notori infidelis eiusdem domini regis, titulo legitime donacionis regie ad ipsos pertinentes, prememoratis filiis Dominici, dicti Bubek et filiis Benedicti, filii Detricy Calui, ac heredibus eorum, heredumque suorum successoribus, in concambium et permutacionem dictarum possessionum Wamus et ad easdem spectancium, in comitatu de Borsod existencium; ac possessiones, (emansit: Olsoupanyth) in comitatu Gumuryensi, in vicinitate et commetaneitate possessionis ipsorum filiorum Alexandri Felseu panyth nominate existentis, dedissent, tradidissent, ac idem Johannes, filius Petri, et alter Johannes, procuratores eorumdem (expunct.: filiorum) Alexandri et filiorum suorum, vigore dictarum litterarum procuratoriarum, ad presens negocium solummodo emanatarum, in persona prelibatorum dominorum suorum dederunt, coram nobis, perpetuo possidendas, tenendas pariter et habendas, nil iuris, nilque proprietatis, vel dominii sibi, et heredibus eorum reservantes de eisdem; et insuper totum ius, in quo predicti Stephanus, filius Dominici, Nicolaus et Johannes, filii Benedicti, usque condempnacionem capitum et amissionem possessionum suarum, contra eosdem filios Alexandri rite et legitime, coram dicto comite Paulo, iudice curie regie, convicti extitissent, eisdem prorsus et in toto, sine porcione ipsius iudicis relaxassent, et iidem procuratores relaxarunt, coram nobis. Hoc eciam non pretermisso, quod in centum marcis, in quibus Andreas, filius Johannis, filii Barakon et Nicolaus, filius Benedicti de Zeek, procuratores et servientes eorumdem filiorum Benedicti et filiorum Dominici, contra ipsos filios Alexandri, coram eodem comite Paulo iudice curie regie, agravati extitissent, prememoratos filios Benedicti et filios Dominici, ac preallegatos procuratores, salvis similiter porcionibus