oracionum suffragia devotarum. Litteras vestre s[erenit]atis recepimus debito omni cum honore, in hec verba:
Karolus, Dei gracia rex Hungarie, fidelibus suis conventui cruciferorum sancti regis Stephani de Strigonio, salutem et graciam. Dicunt nobis religiosus vir frater Seffridus, abbas monasterii sancti Benedicti de iuxta Gron, et conventus eiusdem conquerendo: quod Benedictus Niger, vicecastellanus de Saaskw, feria quinta proxima post dominicam Invocavit proxime preteritam,[247] quandam mulierem viduam (expunct.: filiam) Nicolai de Apaty, iobagionis ipsorum, prope eandem villam, cum famulis suis violenter captivasset et captam in preiudicium tocius sue parentele ad predictum castrum adduxisset; et eo non contentus, in capite eam wlnerasset, et quamdiu voluisset, circa se in dicto castro reservasset; item in festo beati Benedicti confessoris proximo iam preterito,[248] Nicolaus, Deseu et Johannes, filii Zompchuk, Paulus litteratus, Albertus et Johannes, filii Johannis, cum eorum complicibus, manibus armatis, super possessionem ipsorum potencialiter venientes, Petend vocatam, unum famulum ipsorum, nomine Donch, ante predictum monasterium sancti Benedicti letalibus wlneribus wlnerassent. Super quo fidelitati vestre precipientes mandamus, quatenus vestrum mittatis hominem pro testimonio fidedignum, quo presente Dyonisius, filius Georgii de Hynd, vel Syke de eadem, altero absente homo noster, ab omnibus quibus decuerit sciat et inquirat de premissis omnimodam veritatem; et post hec secundum quod vobis veritas constiterit, per eosdem nobis fideliter rescribatis. Datum in Wisagrad, feria secunda proxima post dominicam Ramispalmarum,[249] anno Domini M-o CCC-o XXX-mo sexto.
Nos vero mandatis vestre celsitudinis obtemperare cupientes, ut tenemur, cum predicto Sykee homine vestre mayestatis, Johannem clericum chori nostri, ad predicte inquisicionis exsecucionem hominem nostrum, pro testimonio duximus transmittendum. Qui demum ad nos reversi, nobis concorditer retulerunt: quod in vigilia Pasce proxime preterita[250], a nobilibus et ignobilibus, in comitatu Borsiensi constitutis, a quibus resciri decuit et potuit, de quibus quam plures oculata fide conspexisse retulerunt, hanc de premissa inquisicione scivissent veritatem: quod predictus Benedictus Niger, vicecastellanus magistri Wessceus de Saaskw, cum suis famulis, predictam mulierem viduam, filiam iobagionis eorumdem domini [a]bbatis et sui conventus, eo modo captivasset et wlnerasset die prenotato et captam in castro prenotato tenuisset ut superius [ . . . . . ] vestrarum litterarum seriatim est exp[ress]atum. Datum, feria quarta proxima p[ost] festum Passce, anno Domini M-o CCC-mo XXX-mo sexto.
Extus: Excellentissimo domino suo K.(arolo), Dei gracia illustri regi Hungarie, pro domino abbate monasterii sancti Benedicti de iuxta Gron et suo conventu, contra Benedictum Nigrum, vicecastellanum de Saskw, super iniuriis intra positis facta, inquisitorie. – Sigillum exteriori margini fuit appressum. – Orig. chart. situ exesum, in arch. Capit. Strigon. Priv. Lad. 1. fasc. 4. nr. 18.

410.
1336. (Esztergom) post. 14. Apr. – Capitulum Strigoniense, comitem Alexandrum et filios eius, ac filios Benedicti et Dominici, nobiles de Csetnek et Pelsőcz Uti renunciasse, necnon possessiones Somkut, Rususna, Vámos et Alsó Panit, cambiasse testatur.

[247] 1336. 22. Febr.

[248] 1336. 21. Mart.

[249] 1336. 25. Mart,

[250] 1336. 30. Mart.