rex humiliter supplicavit, ut de tollenda prorsus abusione prefata, et iniusta exaccione dicte marce, pro huiusmodi sepultura, effectualiter prohibenda providere, de circumscripta sedis apostolice clemencie (sic!), dignaremur. Nos igitur, iustum et racionabile merito reputantes, pro sanccionibus eciam canonicis observandis fore per apostolici favoris presidium in hac parte solide, ac perpetue provisionis remedium apponendum, piis et honestis super hoc ipsius regis votis efficaciter annuendo, fraternitati tue per apostolica scripta committimus et mandamus, quatenus si premissa inveneris ita esse, cum pretacta consuetudo evidenter appareat exorbitare a iuris tramite, nec non ab honestatis debito discrepare, prefatam consuetudinem, tanquam iniquam et labem Simonicam continentem, dummodo aliud canonicum non obsistat, auctoritate apostolica patenter detesteris et tollas, eamque facias omnino cessare, ac eadem auctoritate generaliter prohibeas, ne aliqui presumpmant imposterum illam aliqualiter observare, nec ex causa dicte sepulture ulterius marcam exigere, vel recipere memoratam. Contradictorcs per censuram ecclesiasticam, sublato appellacionis obstaculo, compesscendo; non obstantibus abusu longevo consuetudinis antedicte, seu perscripcione (sic!), qui possent forsan in contrarium cavillose ab aliquibus allegari, sive aliquibus aliis per que tradita tibi super hoc potestatis execucio minus racionabiliter posset quomodolibet impediri; aut si aliquibus communiter vel divisim, ab eadem sit sede indultum, quod excommunicari vel interdici non possint, per litteras apostolicas non facientes plenam et expressam, ac de verbo ad verbum de indulto huiusmodi mencione. Datum apud Pontem Surgie, Auinionensis dyocesis, Idibus Augusti, pontificatus nostri anno primo.[244]
Extus manu medii aevi: Super homagio interfectorum hominum. – Epilogus deest. E zonis membr. duo sigilla oralia pendent. Primum est Chanadini, alterum praelatum stantem, mitra et pedo ornatum et dextra benedicentem exhibet, cum perigraphi: + S. Petri. DEI. Gr . . . . SIRMIEN. – Orig. membr., in Arch. Capit. Strigon. Priv. Lad. 44. fasc. 2. nr. 5.

400.
1336. Visegrád. 6. Jan. – Carolus I. rex, et Joannes rex Boemorum, strata publica mercatorum, e Hungaria in Bohemiam et viceversa transeuntium, tributaque – exigenda ordinant.
– – Vos autem dominum archiepiscopum Strigoniensem requirentes, vobis simul et una cum aliis quibuslibet prelatis ecclesiarum – – predictorum tributorum aliquem servantibus et habentibus, similiter firmiter iniungimus per presentes, quatenus – – – predictas vias liberas et absque omni impedimento securas et pacificas, pro prelibatis mercatoribus conservare debeatis, nec ipsos mercatores aliqualiter molestate et perturbare, aut in locis tributorum predictis ultra pretactum modum exaccionis tributi aggravare et angariari permittentes faciatis.
Edid. Wenzel: Magyar Dipl. Eml. T. I. p. 343-345.

401.
1336. Visegrád. 1. Mart. – Carolus I. rex, recensens seriem violentis manualis iniectionis Feliciani de Zaah, in familiam regiam, possessiones omnes a generatione de Zaah ademptas, iuxta tenorem literarum statutorialium Capituli Strigoniensis, Joanni filio Alexandri, tamquam sui et suorum liberatori, et per eum fratribus eius, in perpetuum donat.
Edid. ex exempl. privilegiali forma confect. et in Arch. Fam. Com. Karolyi Budapest asserv. Géresi: Cod. Dipl. Comit. Károlyi. T. I. p. 100. et sqq. – Par harum forma simpl. eman. habetur in Arch. Primat. Secul. Lad. 55.

[244] 1335. 13. Aug.