397.
1335. Visegrád. 13. Decemb. – Carolus I. rex, transscribit literas reambulatorias capituli Budensis, super poss. conventus s. Benedicti, Alpar vocata.
Nos Karolus, Dei gracia rex Hungarie, memorie commendantes tenore presencium significamus, quibus expedit universis: quod vir religiosus frater Sefridus, abbas monasterii sancti Benedicti de iuxta Garam, ad nostram accedens presenciam, exhibuit nobis quasdam litteras rescripcionales capituli ecclesie Budensis, infrascripti tenoris, petens nostram excellenciam, ut ipsas litteras nostris litteris patentibus transscribi facere dignaremur. Quarum tenor talis est:
Excellentissimo domino eorum Karolo, Dei gracia regi Hungarie illustri, capitulum Budensis ecclesie, oraciones in Domiho debitas et devotas. Vestra noverit regia celsitudo reverenda, quod cum litteris vestris statucionalibus et generalibus, pro religioso viro domino Sebreth (sic!) abbate monasterii sancti Benedicti de iuxta Gorom, et iuxta continenciam ac tenorem earundem, unacum Johanne, filio Zumchuk, homine vestro, nostrum hominem videlicet Johannem presbiterum de choro ecclesie nostre, pro testimonio duxissemus destinandum. Qui demum ad nos reversi, nobis concorditer retulerunt; quod idem homo vestre excellencie, coram eodem nostro testimonio, feria tercia proxima ante festum beati Michaelis archangeli iam elapsum,[241] super faciem possessionis Alpar vocate superiori, accendo, et convocatis vicinis ac commetaneis eiusdem et presentibus, eandem per veteres metas et antiquas reambulassent, reambulatamque eidem domino Sebreth, abbati monasterii sancti Benedicti et ecclesie sue, cum omnibus utilitatibus et pertinenciis universis ad eandem spectantibus, nullo penitus contradictore existente statuisset, iuxta veteres metas et antiquas eiusdem possessionis, quibus ab antiquo dinoscebatur possedisse. Datum, in octavis festi beati Michaelis archangeli predicti,[242] anno Domini M-mo CCC-o XXX-mo quarto.
Nos itaque, peticionibus eiusdem fratris Sefridi abbatis (emansit: benigne inclinati), prescriptas litteras dicti capituli Budensis, nostris litteris patentibus transscribi fecimus ad cautelam. Datum, in Vysegrad, in festo beate Lucie virginis, anno Domini M-mo CCC-o XXX.mo quinto.
Sigillum tergo fuit appressum. – Orig. membran., in Arch. Capit. Strigon. Priv. Lad. 40. fasc. 1. nr. 3. – Privilegium hoc convent. de Ságh transscribit a. 1498. Ibidem sub nr. 15.

398.
1335. Visegrád. 13. Dec. Carolus I. rex, transscribit literas palatini Wilhelmi Drugeth, super tributo in Bars conventui s. Benedicti adjudicato.
Nos Karolus, Dei gracia rex Hungarie, significamus tenore presencium, quibus expedit universis: quod religiosus vir frater Sefridus, abbas monasterii sancti Benedicti de iuxta Garam, ad nostram accedens presenciam, exhibuit nobis quasdam litteras patentes magnifici viri Wyllermi Drugeth, palatini et iudicis Comanorum, infrascripti tenoris, petens nos ut ipsas litteras nostris litteris patentibus transscribi facere dignaremur.[243] Quarum tenor talis est:
Tenorem vide sub. nr. 384. ex ipso origin. edit.

[241] 1334. 27. Sept.

[242] 1334. 6. Oct.

[243] 1335. 1. Jun.