statera iudicii non quid dubium voluntatis, sed quid certa racio iuris appendat librantis moderamen debet advertere, supponens clavibus humeros et legi subiciens potestatem, dum libitum refrenat solicito et pares litigantibus laxat abenas, censendo simili censura dissimiles et parificando dispares equa libra. Sane, cum inter venerabilem in Christo patrem, dominum Meskonem, Dei gracia episcopum Wesprimiensem, nomine suo et nomine sui episcopatus ab una; et honorabile capitulum ecclesie nostre Strigoniensis, fratres nostros ab altera; super quibusdam terminis et limitibus particule cuiusdam decimacionis vini, Nyrmalalia nuncupate vlgariter, utrum eadem decimacio sit de territorio Kyw Boyun, cuius decimacio ad ipsum capitulum absque omni questione dinosscitur attinere, pertineat nec-ne, coram nobis questio exorta fuisset et aliquantulum ventillata, tandem partibus coram nobis comparentibus, idem M.(esko) episcopus Vesprimiensis, volens litem abreviare et artare, nomine suo et sui episcopatus propria comparens in persona, et dominus Nicolaus archidiaconus Huntensis, nomine capituli Strigoniensis, cum legitimo et sufficienti procuratorio astans, iuramentum ipsi capitulo propria voluntale super re litigiosa intulit; licet procuratore ipsius capituli in predictum dominum episcopum ipsum iuramentum, per eum delatum referente, ipso episcopo non acceptante, idem dominus Nicolaus archidiaconus nomine suo et nomine capituli iuramentum, per dominum episcopum delatum, acceptavit coram nobis; cumque nos sub certa forma, in nostris inserta litteris, ipsi capitulo Strigoniensi, per eorum sindicum et procuratorem terminum, videlicet quartam feriam post octavas beati Martini confessoris,[240] ad deponendum iuramentum, coram homine nostro assignassemus. Idem dominus Nicolaus procurator et sindicus capituli Strigoniensis, ipso termino deposicionis iuramenti adveniente, coram homine nostro domino Gyliano, familiari capellano nostro, per nos partibus ad hoc assignato et ipsum iuramentum coram ipso deponendum destinato, ad faciem ipsius terre in qua sunt vinee site, de quibus predicte decime dantur et exiguntur accedendo, iuxta formam per nos litteratorie traditam, prout eodem domino Gyliano postmodum refferente didicimus, in animam propriam et in animas omnium de capitulo Strigoniensi deposuit iuramentum, ut debebat. Et quia omnis controversie finis est iuramentum, nos ipsam particulam decimacionis vini, de qua lis et contencia (sic!) orta fuerat, que Nyrmalalia vocatur, que existeret in metis possessionis KyvBoyun vocate, et coram nobis iuramento terminata, ipsi capitulo Strigoniensi sentencionaliter adiudicavimus; ipsi domino episcopo Vesprimiensi et suis successoribus episcopis, super decimis dicte partis Nyrrmalalia, a modo in futurum, perpetuum silencium imponentes; ita ut nullo unquam tempore litem de eadem valeant suscitare. In cuius rei sentenciate firmitatem, ne processu temporis de eodem questio ulterius oriatur, presentes ipsi capitulo sigilli nostri munimine duximus concedendas. Datum, Strigonii, sexto die deposicionis ipsius iuramenti, anno Domini M-o CCC-o XXX-mo quinto.
Extus manu medii aevi: Privilegium super decimis Nyrmalkwalia. – Sigillum, sat bene conservatum, e zona membr. pendet. – Orig. membr., in Arch. Capit. Strigon. Priv. Lad. 29. fasc. 1. nr. 9.

[240] 1335. 22. Nov.