in perpetuum dare novis metis erigendo tenebuntur. Quare vestram amiciciam presentibus petimus diligenter, quatinus vestrum detis hominem, pro testimonio fide dignum, in cuius presencia Thadeus, vel Stephanus, aut Marcellus de Zechyn predictus, aliis absentibus homo domini regis, premissa racione accedat ad facies predictarum possessionum, et secundum quod divisio inter partes iamdictas ordinata fuerit, vestri gracia nobis amicabiliter ad quindenas festi beati Michaelis archangeli predicti nunc venturas, rescribatis. Datum in Wyssegrad, quarto die termini prenotati,[237] anno Domini Millesimo CCC-mo XXX-mo quinto.
Demum eciam alias litteras eiusdem magnifici viri, domini Thome wayuode Transilluanensis et comitis de Zolnuk, ac Neugrad re[cepimus. Quarum] tenor talis est:
Nos Thomas wayuoda Transilluanus et comes de Zolnuk, damus pro memoria: quod magistris Petro, filio Elysey et Johanne, filio Johannis, filii Elysey fratris sui de Rohman ab una, et comite Thoma filio Markws de eadem, parte ab altera; coram nobis personaliter constitutis, propositum extitit, per eundem Thomam, ministerio vive vocis et relatum eomodo: ut dum homo domini regis et testimonium capituli Vacyensis, in octavis beati Michaelis archangeli nunc venturis, per partes ad facies possessionum Rohman, et aliarum, racione divisionis adducti fueriint; metas possessionis Rohman predicte, prout comes Elyseus, pater ipsius magistri Petri possedisset, iuxta fidem eiusdem magistri Petri a possessionaria porcione sua, porcionem magistri Petri iamdicti, novis metis committeret, eundem separare et sine contradiccione distinguere. Datum in Wysegrad, in festo beati Laurencii martiris,[238] anno Domini M-mo CCC-mo XXX-mo quinto.
Cuius peticionibus, communi iusticia suadente, nos diligenter annuentes, cum predicto Thadeo de Zechyn, homine domini regis, nostrum hominem ydoneum magistrum Vincencium socium et concanonicum nostrum, ad premissa exequenda, pro testimonio duximus transmittendum. Qui demum ad nos reversi, nobis concorditer retulerunt, quod in octavis beati Michaelis archangeli nunc proxime preteritis,[239] ad facies predictarum possessionum, primo et principaliter ad faciem possessionis Lezene vocatam accessissent, cuius possessionis partem mediam, directa linea protrahendo a parte orientali, comites Chwda, Stephanus, Blasius et Paulus, filii Dyonisii, personaliter, item Thomas filius Markws, item Thomas Chwda, cum sufficientibus litteris procuratoriis pro Georgio filio Petri, cum omnibus utilitatibus et pertinenciis, terris arabilibus videlicet, fenetis, silvis et aliis utilitatibus, quibus ab antiquo tempore homines, seu coloni, super eandem possessionem fecissent residenciam, sub veris metis et antiquis reambulando, preter Nicolaum, filium Johannis, qui illuc secundum seriem litterarum predictarum magnifici viri domini Thome woyuode et comitis de Zolnuk, ac Neugrad, cum aliis venire tenebatur et non venit, neque misit aliquem pro se responsalem, commetaneis et vicinis, legittime secundum regni consuetudinem convocatis et presentibus, specialiter in presencia magistri Johannis, filii Martini, qui medietatem eiusdem possessionis Lezene suam esse hereditariam est confessus; item eciam directe partem mediam alterius possessionis Zathwk vocate, a parte occidentali, cuius media pars a parte orientali eciam eiusdem Johannis filii Martini de Rohman

[237] 1335. 4. Aug.

[238] 1335. 10. Aug.

[239] 1335. 6. Oct.