sigillo autentico transmittere dignaremur, ut iuxta tenorem nostri prescripti (sic!) eidem Petro, super premissa, valeret dare suas litteras. Quarum quidem tenor talis est:
Discretis viris, amicis suis reverendis, capitulo ecclesie Vaciensis, Thomas wayuoda Transiluanus et comes de Zolnuk, ac Neugrad, sincere reverencie et amicicie exuberans incrementum. Vestra noverit amicicia, quod licet nos inter magistros Petrum, filium Elysey et Johannem, filium Johannis, fillii Elysey fratris sui de Rohman ab una; et comites Chuda, Stephanum, Blasium, et Paulum, filios Dyonisii, item Nicolaum, filium Johannis, et Georgium, filium Petri, ac Thomam, filium Markus de eadem, parte ab altera, coram nobis personaliter astantes, super facto divisionis quarumdam ipsorum possessionum Rohman videlicet, Zathuk, Deberchen, Eched et Lezene vocatarum, in comitatu Neugradiensi existencium, in octavis festi beati Jacobi apostoli presentibus,[235] iudicium facere debuissemus; tandem partes ex nostra permissione, mediante proborum virorum composicione, in talem pacis et concordie (emansit: unionem), se dixerunt devenisse, reddentes de omnibus iudiciis et de aliis alter alterum expeditum eomodo: ut iidem comites Chwda, Stephanus, Blasius et Paulus, filii Dyonisii, item Nicolaus, filius Johannis, Georgius filius Petri, ac Thomas filius Markws, dimidietates duarum possessionum Lezene et Zathwk prenominatarum, que hucusque ad ipsos de iure pertinuissent; item prefatus Thomas, filius Markws, – in possessione Rohman predicta, unam particulam prati, unumque nemus a quodam molendino suo, super fluvio Lolkws vocato existente, sedecim cubitos cum mensura regali super fluvio predicto infra mensurando et ab ipso loco transseundo ad partem orientalem, circa unum agellum ordeacei et in fine ipsius agelli palisper (sic!) girando cadit in unam semitam, deinde transsiens intrat in eundem fluvium Lolkws, et in eodem fluvio transsit infra ad eandem partem orientalem, usque ad metas eiusdem Petri de Rohman, et ibi cadit in viam magnam, ubi idem Thomas debet novam metam erigere, – ipsis Petro et Johanni dare tenebitur. E converso autem prefati Petrus et Johannes, ipsi Thome pro iamdicto nemore, in terra arabili et pratum, pro prato tatumdem (sic!) dare tenebuntur, quam prefati Chwda et alii sibi dabunt, sicut inferius patebit; deinde transsit per eandem viam ad partem meridionalem, perveniret ad quandam sessionem Rohman vocatam, ad quam sessipnem partes comitem Marcellum de Zechyn adducere tenentur, qui si mediante sua fide dixerit, quantum idem Thomas, in presencia hominis domini regis et nostri testimonii, primitus de ipsa possessione Rohman, ipsis Petro et Johanni dabat in terris fimatis, bis tantum comites Chuda, Stephanus, Blasius et Paulus, filii Dyonisii, et Georgius filius Petri, de terris arabilibus iuxta viam Zathwk, in possessione Rohman pretacta et insuper sessionem unius curie, quantum unus ipsorum habere dignoscitur, circa ecclesiam in eadem Rohman constructam, inter sessiones Georgii et Gregorii, filii Seruusdei, racione divisionis. Quas quidem divisiones inter partes, quatuor probi viri, per ipsos adducti, Deum pre oculis habendo, in presencia Thadei, vel Stephani, filii Petrus aut Marcelli de Zechyn, aliis absentibus, hominis domini regis et nostri testimonii, in octavis beati Michaelis archangeli nunc proxime affuturis,[236] inter partes ordinabunt; quam quidem ordinacionem partes assumpmere tenebuntur, absque contradiccione et prohibicione quorumlibet, prout generacioni eorumdem,

[235] 1335. 1. Aug.

[236] 1335. 6. Oct.