eo, qui est omnium vera salus. Scriptum est organo dominice vocis expresso verbo: quod audimus loquimur et quod vidimus testamur, et quod plurimorum testimonio firmatur, sua debet stabilitate perpetuo perdurare. Proinde ad universorum, tam presencium quam futurorum noticiam, harum serie volumus pervenire: quod domina Sebe, relicta Nicolai, filii Ite, de villa Sancti Pauli, nunc uxor Stephani, filii Marcelli, una cum eodem Stephano, ac Kouch filio suo, ad nostram personaliter accedentes presenciam, dixerunt et confessi sunt ministerio vive vocis, sessionem ipsorum cum omnibus hedificiis et utilitatibus, in villa Sancti Pauli, inter domos Nicolai sacerdotis ecclesie Sancti Pauli, a parte septemtrionali, et domos ac curiam Jacobi, dicti de Daag, et Andree de eadem Daag existentem, ex permissione omnium cognatorum et proximorum suorum, quatuor marcis argenti mercimonialis, venerabili in Christo patri, domino Chanadino, Dei et apostolica gracia archiepiscopo Strigoniensi, locique eiusdem comiti perpetuo, et per ipsum suis successoribus, iure perpetuo et irrevocabiliter possidendam, tenendam pariter et habendam, vendidisse et locasse, ymo vendiderunt et locaverunt, coram nobis, nullo contradictore apparente. Insuper, predicta domina Sebe, Stephanus maritus suus, ac Kouch filius eius, firmiter et sollempniter assumpserunt, tam per se quam per suos, ipsum dominum Ch.(anadinum) archiepiscopum et suos successores, ab omnibus inpetitoribus et quoquo modo, racione dicte sessionis et hedificiorum predictorum molestare volentibus, expedire et liberare laboribus ipsorum propriis et expensis. In cuius rei memoriam et perpetuam firmitatem, ad peticionem et instanciam parcium predictarum, presentes eidem domino archiepiscopo concessimus litteras, sigilli nostri munimine roboratas et alfabeto intercisas. Datum, in octavis Nativitatis beati Johannis Baptiste, anno Domini M-o CCC-o XXX-mo quinto.
A. B. C.
Extus manu saec. XV.: Super possessione Zentpaul prope Strigonium. – Sigillum, bene conservatum, e viridi et flavo serico pendet. – Orig. membr., in Arch. Primat. Secul. Lad. Q. nr. 39. - Edid. Fejér: 1. c. VIII/4. 130.
388.
1335. Visegrád. 4. Aug. – Thomas vajvoda Transylvanus, peragendae inter Petrum et Joannem de Romhány, ac filios Dionisii, possessionum Romhány, Szátok, Debercsény, Ecsed et Leszenye divisionis seriem, per capitulum Vaciense sibi rescribi petit.
Tenorem vide sub nr. 395.
389.
1335. Visegrád. 10. Aug. – Thomas vajvoda Transylvanus, comitem Thomam de Romhány, portionem magistri Petri de eadem, a sua se melis distincturum promisisse, testatur.
Seriem vide sub nr. 395.
390.
1335. – 13. Aug. – Benedicti PP. XII. bulla de sepultura interfectorum, data.
Tenorem vide sub nr. 399.
Első
