391.
1335. – 22. Aug. – Michael, praepositus Posoniensis, Petro presbytero, canonicatum in eccl. sua Poson. confert.
Tenorem vide sub a. 1342. 10. Mart. nr. 600.

392.
1335. (Nyitra.) 21. Sept. – Frater Vitus, episcopus Nitriensis, coram suo capitulo, se possessiones suas Moki, Istvántelek et Perbete, pro decimis plurimarum villarum comitatus Nitriensis, archiepiscopo Strigoniensi, commutasse perhibet.
Capitulum ecclesie Nitriensis, omnibus Christi fidelibus, tam presentibus quam futuris, presentem paginam inspecturis, salutem in omnium Salvatore. Ad universorum noticiam harum serie volumus pervenire: quod venerabilis in Christo pater dominus frater Vitus, Dei et apostolica gracia episcopus Nitriensis, prelatus noster, in nostri presencia personaliter comparendo, oraculo vive vocis est confessus, in hunc modum: quod, quia venerabilis in Christo pater, dominus Chanadinus, eadem gracia archiepiscopus Strigoniensis, eiusdemque loci comes perpetuus, decimas quarumdam villarum dicti domini episcopi prelati nostri: Ludan, Vrmen, Cytar et utrarumque Bodak vocatarum, in comitatu Nitriensi habitarum, exceptis decimis porcionum nobilium, quas haberent vel habuerint in eisdem, et quartis magistratualibus magistro quartamm persolvendis, salvis remanentibus, per excellentissimum principem dominum Karolum inclitum regem Hungarie, in concambium sibi datarum, quarum decime immediate ad ipsum dominum archiepiscopum et archiepiscopatum Strigoniensem pertinebant, ipsi domino nostro episcopo Nitriensi et episcopatui in perpetuum, in concambium terrarum possessionum ipsius domini episcopi infra nominatarum dedisse, donasse et tradidisse, de consensu et voluntate fratrum suorum, videlicet capituli ecclesie sue predicte; e converso idem dominus frater Vitus, episcopus Nitriensis, prelatus noster, quasdam terras seu possessiones ipsius episcopatus et episcopi Nitriensis videlicet: unam Moky vocatam, que existit iuxta villam ipsius domini archiepiscopi Vduord nuncupatam a parte septemtrionali; ilem aliam terram episcopatus Nitriensis Iwankateleky vocatam, iuxta villam eiusdem domini archiepiscopi Tordaskeddi vocatam adiacentem; terciam vero terram Perbete dictam, ville eiusdem domini archiepiscopi Perbete vocate vicinam et contiguam, que quidem terre ipsis villis archiepiscopalibus multum utiles et necessarie existerent, cum omnibus ipsarum utilitatibus et pertinenciis universis, sub metis et terminis quibus dicte possessiones, seu terre, per predictum dominum episcopum et episcopalum hactenus habite fuerunt et possesse, dedit, donavit et contulit, de nostro consensu et beneplacito, ipsi domino archiepiscopo Strigoniensi et archiepiscopatui, iure perpetuo et irrevocabiliter possidendas, tenendas et habendas. Preterea idem dominus episcopus prelatus noster, quartis villarum predictarum archiepiscopalium de Vduord et de Perbete, quas ex donacione archiepiscoporum Strigoniensium, mediante vigoroso instrumento habet, renunciavit ita, quod ipsas quartas idem dominus archiepiscopus Strigoniensis, deinde donandi cui voluerit, liberam habeat facultatem. In cuius rei testimonium et perpetue stabilitatis augmentum, presentes concessimus litteras sigilli nostri munimine roboratas. Datum per manus discreti viri magistri Stephani, lectoris

---