manum violentam alienatam et occupatam de eodem monasterio, idem dominus noster rex, de plenitudine sue regalis gracie, ob remedium et salutem anime sue, reddidisset et restituisset eandem terciam partem tributi, cum plenaria integritate, monasterio sancti Benedicti prenotato. Nos itaque visis et perlectis litteris predictis, cognosscentes predictam terciam partem tributi de Bors ad ipsum monasterium sancti Benedicti de iure pertinere et pertinuisse ab antiquo, eandem terciam partem tributi, nullo penitus contradictore existente, statui fecimus ipsi monasterio abbati et conventui eiusdem, in perpetuum exigendam et habendam. In cuius rei memoriam presentes nostras litteras fecimus emanari. Datum, quarta die congregacionis nostre prenotate, loco antedicto, anno Domini Myllesimo CCC-o tricesimo quinto.
Sigillum tergo fuit appressum. – Orig. membr., in Arch. Capit. Strigon. Priv. Lad. 40. fasc. 2. nr. 4.

385.
1335. – 22. Junii. – Carolus I. rex, ob fidelia merita magistri Thomae, castellani de Csókakő et Gesztes, nros 288 et 311. transsumit et privilegialiter edit.
Ed. Cod, Andegav. T. III. p. 174.

386.
1335. Avignon. 21. Junii. – Benedictus PP. XII., mandat Varadiensi et Chanadiensi episcopis, ut cum Colomanno, nato Caroli regis Hungariae, super defectu natalium et aetatis dispensent.
"Colomannus natus – Caroli regis – de ipso Rege coniugato et soluta genitus – honestate vite ac probitate morum abstergit – quod in eo ortus ademerat odiosus – – – – iidem Rex et Colomannus nobis humiliter supplicarunt, ut ipsi Colomanno, qui nunc in decimo nono eiusdem etatis anno vel circa constitutus existit, providere super hoc de opportune dispensationis remedio dignaremur. Nos itaque prefatum Colomannum, premissorum suorum meritorum intuitu et consideratione dicti Regis apostolice plenitudine gratie favorabiliter confovere volentes, – – – fraternitati vestre – – mandamus, quatenus – consideratis circumstantiis universis – – – si dictus Colomannus alias sit idoneus – et aliud canonicum non obsistat – cum eodem – , ut dicto defectu – nequequam obstantibus, ad omnes ordines promoveri et ecclesiastica beneficia cum cura vel sine cura, etiam si personatus existant – – obtinere, nec non ad dignitatem Episcopalem, cum ad etatem ad id aptam pervenerit, eligi et assumi possit licite, auctoritate apostolica dispensetis – – Datum Avenione VIII. Kal. Julii. Anno Primo."
Ed. Theiner: Mon. Hung. Hist. T. I. p. 604.

387.
1335. (Eszlergom.) 1. Julii. – Conventus Crucif. Strigon. dominam Sebe, cum marito et filio suo, unam sessionem in Sz. Pálfalva, Chanadino archiepiscopo quatuor marcis argenti vendidisse testatur.
Conventus cruciferorum, domus hospitalis ecclesie sancti regis Stephani de Strigonio, universis Christi fidelibus, presentes litteras inspecturis, salutem in