de villa Nemchen subfodiendo ac perarando destrui et demoliri fecisset, et magnam partem terre intra eandem metam habite, ad villam monasterii sui Koachy vocata pertinente (sic!), potencialiter excidendo occupasset, et occupatam predicte ville seu Nemchen applicasset, in grande preiudicium prefati monasterii sui et iacturam, et quod usus fructus et quaslibet utilitates eiusdem particule terre, contra prohibicionem predictorum domini fratris Sefridi abbatis et sui conventus, auctoritate regia, mediante testimonio capituli Strigoniensis legittime factam, pluribus annis percepisset. Et nunc, post mortem ipsius comitis Petri, iidem iobagiones de villa Nemchen, prenominate particule terre, racione prioris occupacionis, per antedictum Petrum facte, usus fructus et utilitates quaslibet, auctoritate Pauli Bany castellani de Ryusche et Michaelis dicti Rykathay vicecastellani eiusdem, perciperent universas. Unde ipsos Paulum Banum, vicecastellanum suum Michaelem, nec non iobagiones supradicte ville Nemchen universos, palam et expresse a sepedicta particula terre, ad possessionem frequencius recitati monasterii Koachy vocata pertinente, prohibuit coram nobis, asserens et attestans, quod premissa, scilicet demolicionem et destruccionem mete, necnon violentam excisionem et abstraccionem memorate particule terre, se cum suo conventu vel suos successores, secundum continenciam instrumentorum monasterii sui prosecutores, dum se tempus obtulerit et facultas. In cuius protestacionis et prohibicionis testimonium, nostras litteras eisdem domino abbati et suo conventui, instanter postulanti, concessimus iusticia suadente. Datum, tercia die congregacionis nostre et loco prenotatis, anno Domini Millesimo CCC-o XXX-mo quinto.
Sigillum tergo fuit appressum. – Orig. membr., in Arch. Cap. Strigon. Priv. Lad. 2. fasc. 1. nr. 13.

384.
1335. Bars. 1. Jun. – Vilhelmus Drugeth palatinus, tertiam partem tributi in comitatu Bars., monasterio s. Benedicti adjudicat.
Nos, Wyllermus Drugetth, palatinus et iudex Comanorum, tenore presencium memorie commendantes significamus, quibus expedit universis: quod in quadam nostra congregacione generali, feria secunda proxima post festum Asscensionis Domini, cum universis nobilibus comitatus Borsiensis,[234] apud eandem civitatem Bors, consuetudine regni requierente celebrata, vir religiosus frater Seffridus, abbas monasterii sancti Benedicti de iuxta fluvium Garan, suo et eiusdem monasterii conventus nomine consurgens, nobis significare curavit, quod tercia pars tributi in eadem comitatu Bors, ab antiquo exigi consueti, ex donacione regum, ad predictum monasterium sancti Benedicti et abbaciam eiusdem pertineret. Et super hoc exhibuit quasdam litteras privilegiales excellentissimi principis domini nostri Karoli, Dei gracia illustris regis Hungarie, litteras privilegiales domini Andree, quondam incliti regis Hungarie, super universas possessiones et redditus ordinarios ipsius monasterii ab antiquo confectas, confirmatorias; in quibus inter cetera seriose conspeximus contineri, dictam terciam partem tributi de Bors ad id de iure pertinere. Exhibuit eciam, idem dominus abbas, quasdam alias litteras eiusdem domini nostri regis patentes, in quibus continebatur, quod predictam terciam partem tributi de Bors, per

[234] 1335. 29. Maii.