priori paciamur dispendia, omnibus comitibus provincialibus, eorumque vices gerentibus et iudicibus nobilium firmo damus in mandato, quatenus dum per comitem camere nostre vel suos officiales, nec non homines domini archyepiscopi, ac magistri tawarnicorum nostrorum, fuerint requisiti, accedant cum eisdem, et pecuniam seu lucrum camere nostre, prout data fuerant ad cambiendum ipsa moneta nostra, super tales contumaces et penam superius contumacibus inflictam, si necesse fuerit, exigere teneantur; duabus partibus birsagii, inibi recepti, ipsi comiti camere et hominibus domini archyepiscopi, ac magistri tawarnicorum remanentibus, terciam partem, ipsi comites vel vice comites et iudices nobilium, birsagii eiusdem inter se dividentes. In cwitatibus autem nostris regalibus videlicet et reginalibus, et in aliis quorumlibet, iuxta seriem nostre taxacionis, in aliis litteris nostris ad easdem dirigendis expressam, hoc ordine et moderaminis pena mediante per cives civitatis cuiuslibet statuentes volumus cambiendum, videlicet quod: cives civitatum, facta publica proclamacione, hominibus dicti domini archyepiscopi et magistri tawarnicorum nostrorum, ac testimonio alicuius capituli, vel conventus credibilis presentibus, vigesimo secundo die, a die ipsius publice proclamacionis, ipsi comiti camere nostre vel suis officialibus sumpmam pecunie, super ipsos impositam, solvere tenebuntur eo modo, quod si usque eundem vigesimum secundum diem ipsam pecuniam eidem comiti camere nostre solvere non curarent, singulas decem marcas de ipsa sumpma pecunie, cum iudicio trium marcarum, elapso termino solvere teneantur; quorum iudiciorum ipse comes camere nostre duas partes percipiet, tercia parte eisdem hominibus domini archyepiscopi et magistri tawarnicorum remanente. Item statuimus, ut comites provinchiales quorumlibet comitatuum, plus quam unam marcam, decem pensarum nove monete nostre, a comite camere nostre predicte petere vel recipiere, racione fororum, non persumpmant. Nobiles autem, vel cuiusvis alterius status homines, fora habentes, pretextu fororum ipsorum, ab eisdem comite camere vel suis officialibus, quicquam petere vel recipere non presumpmant. Ceterum, quia antiqua libertas camerarum nostrarum id requirit, statuimus: quod nullus omnino hominum, cuiuslibet dignitatis existat, officiales et servientes comitis camere nostre, suo iudicio astare compellere presumpmat, sed per eundem comitem camere nostre iudicentur; qui si dare iusticiam, ex parte ipsorum, neglexerint, tunc magister tawarnicorum nostrorum iudicabit eosdem. Item, si qui contra ipsum comitem camere nostre, racione iniuriarum, seu dampnorum et nocumentorum camerarum nostrarum, personis in officio camere nostre procedentibus illatarum, ad nostram, sive magistri tawarnicorum nostrorum, aut alicuius iudicis ordinarii presenciam citati fuerint, in primo termino, absque omni dilacione ulteriori, ipsa causa dante, iusticia finaliter debeat terminari et nullatenus ulterius debeat prorogari. Quicunque autem prefatum comitem camere nostre, ordine iudiciario, in causam attraxerit, sepedictus magister tawarnicorum nostrorum ex parte ipsius, querelantibus iusticiam faciet, auctoritate nostra mediante. Ferramenta autem formalia, sub inclusione sigillorum ipsorum hominum domini archiepiscopi et magistri tawarnicorum nostrorum, in locis consuetis conserventur et eisdem presentibus ipsi denarii nostri triformes cudantur et formentur. Hoc eciam duximus statuendum: ut de rebus et bonis quibuslibet ipsius camere nostre, per officiales eiusdem ubicunque deferendis, in terra et in aquis nullum tributum exigatur. Preterea, de qualibet marca, unum