sed se a facie iuris et iusticie in eorum culpabilitatis indicium penitus absentarunt. Verum, quia approbatissimum et consuetudinarium ius regni causas, produccione testimoniorum comprobatas, duplici articulo scilicet: duello vel iuramento consuevit diffinire, ipsique Jacobus, Petrus, Johannes et Stephanus, maleficiorum suorum celatores cupientes existere, ad ipsius duelli certamen venire non curarunt, vel pugilem eorum statuere, cum certamen duelli unum diffiniens causarum habeatur et ipsius causalis diffinientis articuli obmissione predictam causam, equitate suadente, fine debito decidere teneamur; nolentes huiusmodi maleficiis dictorum Jacobi, Petri, Jobannis et Stephani diucius indulgere et ad ipsorum malemerita et rebelliones, ac processus corrigendos, iudiciarie auctoritatis gladio vindicativo insurgere volenles, ne de suis maleficiis dinoscantur gratulari, ceterisque valeat preberi in exemplum, una cum baronibus et nobilibus regni, iudiciario pro tribunali assidentibus: ipsos Jacobum et Petrum, filios Stephani, Johannem, filium Laurencii, et Stephanum, filium Petri de Gyeured, privatis omnibus suis bonis et proprietatibus possessionariis, ipsos ubilibet contingentibus, et in tercia parte manibus ipsius Pobur, filii Myk, eorum adversarii, in duabus vero partibus nostris manibus iudiciariis, iuris ordine applicatis suadente (sic!), in sentencia capitali, iudiciaria auctoritate, tenore presencium condempnamus. In cuius rei memoriam, firmitatemque perpetuam, presentes concessimus litteras nostras privilegiales, pendentis sigilli nostri autentici munimine roboratas. Datum in Wyssegrad, secundo die termini dimicacionis duelli prenotati, anno Domini millesimo CCC-o XXX-mo quarto.
Sigillum e viridi serico pendet. – Orig. in Arch. Primat. Secul. Lad. T. nr. 500. – Edidit: Fejér Cod. Dipl. VIII/3. 758.

365.
1334. – 20. Jul. – Carolus I. rex, possessionem Csév, magistro Stephano, castellano de Visegrád, privilegio suo confirmat.
Karolus, Dei gracia Hungarie, Dalmacie, Croacie, Rame, Seruie, Gallicie, Lodomerie, Comanie, Bulgarieque rex, princeps Sallernitanus et Honoris, ac montis sancti Angeli dominus. Omnibus Christi fidelibus, presentibus et futuris, presentem paginam inspecturis, salutem in omnium Salvatore. Ne ea, que fiunt in tempore, simul cum temporis varietate elabantur, regia decrevit celsitudo, ut litterarum testimonio perpetue memorie commendentur. Proinde ad universorum noticiam, harum serie volumus pervenire: quod magister Stephanus, castellanus de Wyssegrad, dilectus et fidelis noster, ad celsitudinis nostre accedens presenciam, exhibuit nobis duo paria litterarum patencium, videlicet: unum par litterarum nostrarum, sigillo nostro anuleo consignatarum; aliud vero par litterarum conventus cruciferorum, domus hospitalis ecclesie sancti regis Stephani de Strigonio, super tradicione, sive donacione cuiusdam possessionis Chew vocate, per Mykoucha, filium Eleek, de eadem Chew, ipsi magistro Stephano facta confectarum petens nostram humiliter supplicando mayestatem, ut ipsa duo paria litterarum, videlicet nostrarum et dicti conventus cruciferorum, ac cursum metarum eiusdem possessionis Chew, prout in quibusdam litteris nostris patentibus per eundem magistrum Stephanum nobis exhibitis, vidimus contineri, facta legitima reambulacione eisdem litteris nostris insertarum, uberiorem ad cautelam,