sua personaliter, et dictorum Jacobi, Johannis et Stephani in persona, cum procuratoriis litteris conventus monasterii sancti Benedicti de iuxta Gron exurgens, se et prefatos Jacobum, Johannem et Stephanum innocentes fore responderat e converso et immunes. Cumque nos eodem Pobur, filio Myke, premissam suam accionem mediantibus litteris inquisicionalibus capituli ecclesie Nitriensis et conventus cruciferorum sancti regis Stephani de Strigonio declarante, eidem Pobur, ob maioris iusticie evidenciam accionem suam premissam, testibus evidentibus, in octavis beati Georgii martiris tunc proxime venturis,[217] in dicto capitulo Nitriensi, contra iam nominatos Petrum, Jacobum, Johannem et Stephanum, singulariter pro se, iuxta regni consuetudinem comprobandam, et seriem eiusdem ad octavum diem, in litteris dicti capituli, nostro iudicario examini reportandam, prout eciam equitatis ordo suadebat et regni ab antiquo approbata consuetudo exposscebat, adiudicassemus; termino itaque reportacionis seriei premissarum testimonialium produccionum occurrente,[218] prenominato Pobur, filio Myke, premissa testimonia super omnibus premissis contra ipsos Petrum, Jacobum, Johannem et Stephanum evidenter et sollempniter, iuxla regni consuetudinem, secundum nostram iudiciariam deliberacionem producta fuisse, demonstracione litterarum iam dicti capituli Nitriensis, seriem ipsarum testimonialium produccionum continencium declarante, cum prefatum Jacobum, filium Stephani de Gyeured, qui sua personaliter et dictorum Petri, fratris sui Johannis, filii Laurencii et Stephani, filii Petri, in persona cum sufficientibus procuratoriis litteris dicti conventus monasterii sancti Benedicti de iuxta Gron astabat et legittimi procuratoris officio fungebatur, eo quod universe cause testimoniis comprobate, duelli certamine, aut iuramenti deposicione, regni consuetudine exigente sorciuntur (emansit: finem): utrum predictam causam iuramentorum deposicione, aut duellorum dimicacione velit terminare, ternis et quam plurimis vicibus quaesivissemus, ipse Jacobus, filius Stephani, suam et dictorum Petri fratris sui, Johannis filii Laurencii et Stephani filii Petri causam prenotatam unius duelli certamine, eodem Pobur benivole assumpmente, sponte preelegerat terminare. Et cum nostra iudiciaria sentencia pretacto Pobur, filio Myke, in eo: ut prelibati Jacobus et Petrus, filii Stephani, Johannes, filius Laurencii, et Stephanus, filius Petri de Gyeured, feria tercia proxima post festum Penthecostes, cuius iam proxime preterysset revolucio annualis, quendam servientem suum percuti fecerint,[219] unum equum suum proprium et unum bovem cuiusdam iobagionis sui potencialiter interfecerint, pugilem (emansit: in) congressum; prenominatis vero Jacobo et Petro, filiis Stephani, Johanni, filio Laurencii, et Stephano, filio Petri, super eo: ut ipsi in premissa totali acquisicione (sic!) dicti Pobur, filii Myke, innocentes sint penitus et immunes, pugilem in congressum, quos meliores et agiliores invenire possent, super equis et in armis militaribus, feria secunda proxima ante festum beate Margarete virginis et martiris,[220] in area certaminis, in conspectu regie maiestatis pugnaturos, statuere decrevisset. Ipso die dimicacionis dicti duelli adveniente, prememorato filio Myke, suum pugilem super equum armis bellicis bene munitum, in area certaminis statuente et usque horam legittimam, cum suo pugile in loco certaminis expectante, pretacti Jacobus et Petrus, filii Stephani, Johannes, filius Laurencii, et Stephanus, filius Petri, ad certamen dicti duelli venire non curarunt,

[217] 1334. 1. Maii.

[218] 1334. 8. Maii.

[219] 1333. 25. Maii.

[220] 1334. 11. Jul.