362.
1334. (Esztergom.) 2. Julii. – Capitulum Strigoniense, possessionem Gyarmath, inter Tatamerum praepositum Albensem et filios Jacobi, metis divisam esse perhibet.
Tenorem vide sub nr. 366.

363.
1334. (Esztergom.) 8. Jul. – Conventus Cruciferorum Slrigoniens., Nicolaum Goór, se art restituenda Chanadino archiepiscopo litteraria instrumenta, possessionem Hileny (Ribeny) tangentia, deobligasse testatur.
Nos conventus cruciferorum, domus hospitalis sancti regis Stephani de Strigonio, memorie commendamus: quod Nicolaus dictus Goor, ad nostram propria in persona accedens presenciam, quoddam privilegiale instrumentum venerabilis in Christo patris domini Thome, divina miseracione quondam archiepiscopi Strigoniensis, bone memorie, super collacione cuiusdam possessionis ecclesie Strigoniensis, Hylyen vocate, sibi facta confectum, in octavis beati Michaelis archangeli proxime nunc venturis, venerabili in Christo patri domino Chanadino,[214] Dei et apostolice sedis gracia archiepiscopo Strigoniensi, locique eiusdem comiti perpetuo, restituere assumpsit et resignare coram nobis; tali vinculo interiecto, quod si ipsa instrumenta in dictis octavis reddere non curaret, extunc eadem cassa, vana et irrita haberentur, ipseque Nicolaus dictus Goor, pro latore falsarum litterarum convinceretur eo facto, ut se sponte ad hec omnia obligavit. Datum, in quindenis festi Nativitatis beati Johannis Baptiste, anno Domini M-o CCC-o XXX-mo quarto.
Sigillum tergo fuit appressum. – Orig. membr., situ maculatum, in Arch. Primat. Secul. Lad. L. nr. 51.

364.
1334. Visegrád. 12. Jul. – Comes Paulus, iudex curiae regiae, nobiles de Győred, quod duellum acceptatum non subiverint, in sententia capitali et amissionis bonorum condemnat.
Nos comes Paulus, iudex curie excellentissimi et magnifici principis domini Karoli, Dei gracia illustris regis Hungarie, memorie commendantes significamus, tenore presencium, quibus expedit universis: quod cum Pobur, filius Myke, Jacobum et Petrum, filios Stephani, et Johannem, filium Laurencii, et Stephanum, filium Petri, de Gyeured, iudiciario processu, contra se ad regiam presenciam legittime in causam attraxisset et ipsa causa, quibusdam prorogacionum cautelis interventibus, ad octavas Epiphanye Domini proxime nunc preteritas,[215] iuxta continenciam litterarum nostrarum memorialium, prorogative devenisset; ipsis octavis Epiphanye Domini advenientibus, pretactus Pobur, filius Myke, in figura nostri iudicii, contra eosdem Jacobum et Petrum, filios Stephani, Johannem, filium Laurencii et Stephanum, filium Petri proposuerat in hec verba: quod iidem Jacobus, Petrus, Johannes et Stephanus, feria tercia proxima post festum Penthecostes,[216] cuius iam proxime preterisset revolucio annualis, quendam servientem suum percuti fecissent, unum equm (sic!) suum proprium et unum bovem cuiusdam iobagionis sui, potencialiter interfecissent. In quibus prenominatus Petrus, filius Stephani,

[214] 1334. 6. Oct.

[215] 1334. 13. Jan.

[216] 1333. 25. Maii.